Arbeidsoppdrag
Utforming av ein kjøkenreiskap
Lag ein kjøkenreiskap ut frå eit trestykke. Vurder kva slags funksjon reiskapen du vil lage, skal ha. Teikn skisser og planlegg forma, før du byrjar å hogge og skjere ho ut. La deg inspirere av filmen, som viser prosessen med å utforme ei treskei.
Knut Ivar Sørheim viser prosessen med å lage ei treskei i bjørk. Video: Jarle Sten Olsen / CC BY-ND 4.0
Vel kva slags kjøkenreiskap du vil lage i tre. Planlegg forma ut frå kva det skal brukast til. Hugs at reiskapen skal vere god å halde i, i tillegg til å fungere til arbeidsoppgåva.
Smørknivar og skei laga av Knut Ivar Sørheim. Bilete: Knut Ivar Sørheim, Inger Gilje Sporaland / CC BY-NC 4.0
Ei god form er vakker i seg sjølv. Vurder om du i tillegg vil bruke dekor på reiskapen. Du kan lage utskjeringar eller bruke overflatebehandling viss du ønskjer det.
- Lag skisser til ulike løysingsforslag.
- Planlegg form og dekor på kjøkenreiskapen, og lag ei arbeidsteikning.
- Lag produktet.
- Vurder handverket du har utført.
- Korleis har du jobba med ulike teknikkar?
- Fungerer kjøkenreiskapen slik du hadde tenkt?
- Kva synest du om det estetiske uttrykket?
- skisser og arbeidsteikning
- kjøkenreiskap
- eigenvurdering