Filmar om handsaum

Attersting gir ein sterk og elastisk saum og blir brukt på same måte som rett symaskinsaum. I denne filmen (lengde 2:28) ser du korleis ein gjer det.

Faldesting blir òg kalla loresting. Det bruker du til å sy oppbrett på eit plagg slik at stinga ikkje blir viste frå rettsida av plagget. I denne filmen (lengde 2:26) får du det demonstrert.

Vi bruker fellesting til å sy ned ein klippekant og sikre at han ikkje raknar. Du ser korleis du gjer det, i denne filmen (lengde 1:16).

Som namnet seier, blir forsting brukt til å feste for, men det kan òg brukast til andre saumar som ikkje treng å vere sterke. I denne filmen (lengde 1:06) viser skreddaren deg korleis du gjer det.

Heksesting blir òg kalla kryssesting. Vi bruker denne saumteknikken til å halde to lag saman eller til å sikre at ein kant ikkje raknar. Du ser korleis ein gjer det, i filmen under (lengde 1:36).

Kastesting eller overkasting blir brukt for å sikre at klippekanten ikkje raknar. I denne filmen (lengde 1:23) ser du korleis ein gjer det.

Prikkesting blir brukt til å sy stikningar frå rettsida av stoffet. Du kan gjere saumen nesten usynleg, eller du kan bruke prikkane dekorativt. Du ser korleis i filmen under (lengde 2:15).

Regels fungerer som ein knutekant. Han blir brukt til å forsterke stoffet der det kan bli stor belastning på plagget. Du lærer korleis ein gjer det, i filmen under (lengde 2:19).

Film: Prikkesting

I denne filmen (lengde 2:15) kan du repetere prikkesting.

Staffering er små sidesting. Dei blir brukte til å feste ein bretta kant til stoffet under. Du kan gjere stinga nesten usynlege eller bruke dei til dekorative tverrstriper. Sjå korleis i denne filmen (lengde 1:43).

Stikning blir brukt når vi skal sy gjennom tjukke stofflag. Du ser korleis du gjer det, i denne filmen (lengde 1:05).

Stossing er ein saumteknikk vi kan bruke når vi skal lage ein usynleg saum frå rettsida av stoffet. Skreddaren viser deg korleis det skal gjerast, i denne filmen (lengde 1:37).