Veiledning
Sy rynker med handsaum
Her får du ei trinnvis forklaring på korleis du kan sy rynker for hand. I dette dømet er handsaumen sydd i skinn, men du kan bruke den same teknikken i tekstil.
Her er to skinndelar sydde saman med eit mellomlegg som er bretta dobbelt i midten. Bilete: Berit Kristine Andersen Guvsam / CC BY-SA 4.0
Legg saman delane du skal sy, rette mot rette. Det er viktig at du held øvst den delen som skal rynkast, slik at han vender mot deg mens du syr. Dersom du vil ha eit mellomlegg, brettar du dette dobbelt. Plasser det mellom dei to laga med bretten innover, slik det er vist til høgre i biletet nedanfor.
Lag knute på tråden og sy først eit par sting gjennom alle laga. Fest tråden slik som vist på biletet nedanfor.
Bilete: Berit Kristine Andersen Guvsam / CC BY-SA 4.0
Når du skal lage rynker ved hjelp av handsaum, lagar du ein liten fald og stikk nåla på andre sida av falden. Stinglengda skal vere den same som om du hadde sydd med rettsaum. Stram til med tråden.
Bilete: Berit Kristine Andersen Guvsam / CC BY-SA 4.0