Oppgåve

Poppa

Her er eit forslag til ein førebuingsdel de kan bruke som øving til ein eventuell munnleg eksamen i marknadsføring og leiing 1.

Case – Poppa

Denne førebuingsdelen kan vere fin å bruke som om han skulle vore ein reell munnleg eksamen – så langt det let seg gjere. Sjå situasjonsbeskriving, retningslinjer for munnleg eksamen og kompetansemål nedanfor.

Situasjonsbeskriving

Poppa er ein snacks-serie frå Sørlandschips, som ønsker å tilby forbrukarane eit annleis alternativ i snacks-hylla. Produkta i Poppa-serien er kjende for å vere lette, luftige og sprø, og blir laga med ein "poppa"-metode der varme og trykk blir brukte i staden for tradisjonell fritering for å oppnå tekstur og smak – derav namnet Poppa. Serien omfattar fleire variantar, som potetchips med smak av spansk paprika eller rømme og urter, i tillegg til müslibar med karamell. Produktet formidlar ein bodskap om at vi kan nyte snacks med god smak og på same tid vere litt bevisste på kva vi et. Ta utgangspunkt i informasjon om produktet Poppa på Sørlandschips si nettside.

Retningslinjer for munnleg eksamen

Munnleg eksamen er todelt og består av

Førebuingstid: 24 timar
Eksamenstid: inntil 30 minutt

På førebuingsdagen møter du på skulen og trekker ein førebuingsdel. Det blir delt ut relevante kompetansemål frå læreplanen og vurderingskriterium saman med førebuingsdelen. Dette gir deg eit utgangspunkt til å førebu deg til munnleg eksamen, men du får ikkje vite kva spørsmål som skal brukast under sjølve eksamen. På førebuingsdagen er alle hjelpemiddel tillatne.

Du vel sjølv om du vil førebu ein presentasjon til eksamensdagen. Presentasjonen kan utgjere inntil 10 minutt av eksamenstida. Dersom du vel å innleie eksamen med ein presentasjon, skal ikkje eit eventuelt produkt som er laga i førebuingstida bli vurdert i seg sjølv. Kompetansen du viser munnleg gjennom ein presentasjon, blir vurdert saman med etterfølgande oppfølgingsspørsmål og fagsamtale.

Eksamenstida er inntil 30 minutt. På eksamensdagen kan du ta med notat frå førebuingsdagen og ulike hjelpemiddel som er relevante for å gjennomføre ein eventuell presentasjon. Fagsamtalen føregår utan hjelpemiddel og tek i hovudsak utgangspunkt i kompetansemål knytte til ein case som er gitt i førebuingsdelen.

Grunnlaget for vurdering er kompetansemåla, som er oppgitte i førebuingsdelen, og vurderingskriterium. Karakteren skal vere ei heilskapsvurdering av kompetansen slik han kjem fram på eksamen.

Kompetansemål

velge og bruke kilder, markedsførings- og ledelsesteorier og modeller i arbeid med faglige spørsmål, emner og dagsaktuelle problemstillinger
vurdere forhold som påvirker forbrukeratferd, og reflektere over psykologiske, sosiale og kulturelle faktorer
planlegge mediemiks og utvikle innhold for ulike kanaler i markedskommunikasjon
utforske ulike prisstrategier og prissettingsmetoder og vurdere hvordan virksomheter bruker pris som konkurransemiddel
utforske og vurdere hvordan virksomheter kombinerer bruk av konkurransemidler
utforske og følge gjeldende regelverk for markedsføring og vurdere virksomhetens etiske ansvar

Eksamenstrening

Case – Poppa

Situasjonsbeskriving

Retningslinjer for munnleg eksamen

Kompetansemål