Oppgåve
Interaktivt innhald
Gå oppdagingsferd i Vincents verd
Sett deg inn i kven Vincent van Gogh var som kunstnar. Kai Chen har late seg inspirere av måleria hans og skapt eit digitalt 360-bilete med tittelen Vincent world. Studer komposisjon, måleteknikk og fargebruk i dette biletet, og diskuter det med medelevar.
Oppgåve 1
Gjer deg kjend med Vincent van Gogh som kunstnar. Noter kva han blei inspirert av, og korleis han utvikla sin heilt eigne stil. Kva kjenneteiknar måleria hans?
Oppgåve 2
Studer 360-biletet Vincent world på nettstaden Artstation. Det er laga av kunstnaren Kai Chen og blei publisert i 2018. Bruk fullskjermvisning. Jobb saman i par eller i grupper på tre, og del det de oppdagar med kvarandre.
- Beskriv miljøa du kjem inn i. Kjenner du igjen noko frå måleri av Van Gogh?
- Beskriv dei menneska de møter i biletet. Kva fortel kroppsspråket om dei? Kjenner du igjen personar frå Van Goghs måleri?
Beskriv fargane og bruken av fargekontrastar. Korleis påverkar fargekontrastane opplevinga av miljøa i biletet?
Beskriv komposisjonen og bruken av djupneskapande verkemiddel (noko du kan lese om i artikkelen "Illusjon av djupne").
Beskriv penselstrøka. Korleis er dei med på å skape stemning i biletet?
- Kva trur de Kai Chen ønsker å formidle gjennom 360-biletet?
Beskriv opplevinga de har ved å bevege dykk rundt i eit 360-univers.
Kva effekt oppnår kunstnaren når vi kan bevege oss rundt i måleriet?
Relatert innhald
5 X Van Goghs blomstrande mandeltre
Nettside hos vangoghmuseum.nl