Ulike typar kommunikasjonskanalar
Denne artikkelen er i eit fag som følgjer ein utgått læreplan. Versjonen du ser på, kan innehalde utdatert informasjon eller ha andre feil.
Kommunikasjonskanalar
Det finst mange ulike kommunikasjonskanalar, og dei har alle sine fordelar og ulemper. Døme på slike kanalar – eller medium – er nettsider, sosiale medium, e-postannonsering, søkjemotorannonsering, TV, telefon, trykte medium og plakatar.
Når vi skal velje kommunikasjonskanal, må vi vurdere kva evne kanalen har til å overføre bodskapen. Vi ønskjer å velje det mediet som mest effektivt formidlar bodskapen vår til målgruppa vår. Med effektivt meiner vi både i form av best mogleg måloppnåing og lågast mogleg kostnad.
Oppgåver
Oppgåve 1
Lag ein tabell med oversikt over nokre fordelar og ulemper med ulike kommunikasjonskanalar. Tabellen kan til dømes sjå slik ut:
Kanal | Fordelar | Ulemper |
|---|---|---|
| * | ||
| * | ||
| * | ||
| * | ||
| * | ||
| * |
Oppgåve 2
Tenk dykk at Maarud skal i gang med ein kampanje for å lansere ein ny og sunnare type potetgull.
- Vurder fordelar og ulemper med bruk av ulike kanalar. Drøft kva kommunikasjonskanal de synest kjem «best» ut.
- Kva kanal meiner de er mest formålstenleg for Maarud å nytte seg av i lanseringa av det nye potetgullet?
- Synest de at Maarud bør nytte seg av fleire kommunikasjonskanalar? Grunngi.
Oppgåve 3
Tenk dykk at Maarud vurderer å nytte influensarar i marknadskommunikasjonen sin om det nye potetgullet.
- Skriv ned argument for og mot bruk av influensarar i kampanjen for det nye potetgullet.
- Har de nokre forslag til kva influensarar som Maarud eventuelt kunne ha samarbeidd med?