Mystery shopper

Oppgåve

• Du skal skrive ein rapport om samhandlinga mellom kundar og salsmedarbeidarar i to butikkar.

• Du kan innleie rapporten med å beskrive teorien om service og dei tre servicetypane: materiell service, systemservice og personleg service. Illustrer med bilete frå butikkane du er i, for å understreke det du skriv om i teksten. Du må alltid spørje beteninga i butikken om du får lov til å ta bilete av interiøret og eventuelt beteninga.

• Rapporten skal beskrive og samanlikne dei tre formene for interaktiv marknadsføring i to butikkar.

• Lag eit skjema med følgjande punkt: dårleg, middels og bra.

Materiell service, ytre faktorar

Korleis verkar butikken og personalet? Det første kunden legg merke til, er

• om det er ryddig i butikken
• om butikken er reingjort og vedlikehalden
• klesdrakta til dei som jobbar der
• kva skilt og plakatar som er i butikken
• vareplasseringa

Systemservice, rutinar og system

Så kan du vurdere følgjande tre punkt:

• vareutvalet (er det til dømes mykje som er utselt?)
• ventetida for å bli ekspedert
• bemanninga

Personleg service, "sanningas augneblink" og menneskekunnskap

Her kan du sjå på

• korleis beteninga helsar på kunden
• produktkunnskapen til beteninga
• om beteninga lukkast med å forstå kunden sitt behov
• kroppsspråket til beteninga
• salsavslutninga