Metodar for konflikthandtering

Korleis kan vi handtere konfliktar på jobben eller praksisplassen? Konfliktar kan handterast på ulike måtar, og i denne oppgåva skal du reflektere over og øve deg i å bruke ulike metodar for konflikthandtering.

Denne artikkelen er i eit fag som følgjer ein utgått læreplan. Versjonen du ser på, kan innehalde utdatert informasjon eller ha andre feil.

Kort samandrag av videoen

Ein rusa mann kjem gåande mot ein vektar og mistar ein ølboks i bakken. Vektaren ser overraska på mannen og seier: "Går det bra, eller, kompis?" Mannen svarer: "Veit du kva, det skal du drite i, trur eg." Mannen verkar forvirra, og vektaren tek mannen vennleg på armen og seier: "Eg trur kanskje du skal heim og slappe av litt, eg." Den rusa mannen hissar seg opp, kastar seg ned på bakken og roper: "Vald, vald! Skal eg ringje advokaten min, eller? Hæ? No er du ferdig!"

Oppgåve 1

Sjå videoen ovanfor.

Kva synest du om vektaren si handtering av denne situasjonen?
Kva ville du ha gjort vidare om du var vektaren?

Oppgåve 2

I ein konflikthandteringssituasjon kan vi velje ulike metodar.

Forklar kva som blir meint med dei ulike metodane: autoritær, juridisk, demokratisk, forhandling, mekling, terapeutisk og ignorering. Les om metodane i den relaterte artikkelen "Modellar for konflikthandtering".
Kva for metode brukte du i oppgåve 1?

Relatert innhald

Modellar for konflikthandtering

Vi kan handtere konfliktar på fleire måtar. Ulike modellar for konflikthandtering kan hjelpe oss med å forstå konfliktane.