Jobb med filmen Losing nobody

1. Før du ser filmen

Reflekter individuelt eller saman med ein medelev over desse spørsmåla:

1. Kva kjenneteiknar god helseservice?

2. Kva skal til for at du kjenner deg trygg i møte med helsepersonell?

3. Korleis kommuniserer du som helsepersonell for at pasientar skal kjenne seg trygge og godt varetekne?

2. Sjå filmen

Sjå kortfilmen Losing Nobody på bibliotektenesta Filmbib.

For å sjå filmar på Filmbib må du skaffe deg Bibliotekkortet på sidene til Nasjonalbiblioteket.

3. Spørsmål til filmen

1. Kva døme på ulike kommunikasjonsformer ser du? Noter stikkord.

2. Beskriv døme som viser gode relasjonsferdigheiter.

3. Drøft døme på kommunikasjon som kunne vore meir profesjonell.

4. Gi døme på god og dårleg helseservice.

4. Refleksjon etter filmen

1. Skriv eit kort refleksjonsnotat om viktigheita av psykologisk hjelp etter traumatiske hendingar.

2. Kvifor er det problematisk at kvinna i filmen må vente i tre månader før ho får hjelp? Diskuter kva som kunne vore gjort annleis.

3. Korleis ville du som helsepersonell ha kommunisert med Elise over telefonen?

4. Kva lovverk for helsepersonell kan du knyte til hendingane i filmen?

5. Rollespel

Gå saman i grupper på to eller tre elevar. Kvar gruppe skal lage eit rollespel som viser eit møte mellom Elise og helsepersonell.

Førebuingar

Skriv eit manus til rollespelet og fordel rollene i gruppa.

Legg vekt på følgande tema:

• helseservice og profesjonell kunde- og pasientbehandling

• kommunikasjon og relasjonsferdigheiter

• omsorg og empati

• korleis helsepersonell kan tilby rettleiing, støtte og hjelp

Gjennomføring

To og to grupper går saman. Den første gruppa framfører rollespelet, mens den andre observerer. Etterpå byter de.

Tilbakemelding og refleksjon

Etter gjennomføringane skal gruppene som samarbeidde, ha ein fagleg samtale der de gir tilbakemelding til kvarandre. Diskuter:

1. Korleis vart dei gitte temaa inkluderte og formidla i rollespelet?

2. Kva kan eventuelt forbetrast eller bli gjort annleis?

3. Korleis opplevdest det å vere i dei ulike rollene?

4. Kva læringsutbytte hadde de av gjennomføringa av

   • eige rollespel

   • observasjon av den andre gruppa