Korleis er helsevesenet organisert?

Del 1. Grunnstrukturen i helsetenesta

Bruk denne fagartikkelen og animasjonsfilmen om helsesektoren som grunnlag for å svare på oppgåvene.

1. Kva ansvar har staten for helsetenestene i Noreg?

2. Korleis blir oppgåvene fordelte mellom

   1. Stortinget

   2. Regjeringa

   3. Helse- og omsorgsdepartementet

   4. Statens helsetilsyn

3. Kva er oppgåvene til

   1. Folkehelseinstituttet (FHI)

   2. Helsedirektoratet

4. Korleis samarbeider FHI og Helsedirektoratet med Helse- og omsorgsdepartementet?

5. Kva tenester inngår i primærhelsetenesta, og kven har ansvaret for å tilby desse tenestene?

6. Korleis er spesialisthelsetenesta organisert, og kva typar helsetenester blir tilbodne på dette nivået?

7. Kva helsetenester og tilbod er ansvaret til fylkeskommunen?

Del 2. Illustrasjon

Bruk kunnskapen du har fått i del 1 av oppgåva, og lag ein illustrasjon som samanfattar korleis helsetenesta i Noreg er organisert.

Illustrasjonen skal vise dei ulike nivåa i helsevesenet. Start med staten øvst i hierarkiet, og arbeid deg deretter nedover i systemet. Bruk gjerne fargar, piler og symbol for å gjere strukturen og samanhengane tydelege.

Del 3. Caseoppgåver

Jobb i par. Vel éin av dei tre situasjonane nedanfor:

Oppgåver

1. Lag ei meir detaljert pasienthistorie basert på situasjonen de vel. Casen skal inkludere fleire helsetenester og forvaltningsnivå som pasient skal gå gjennom for å få nødvendig helsehjelp.

2. Deretter skal de lage ei punktvis oversikt som viser reisa til pasienten gjennom helsevesenet:

   1. første kontakt

   2. vidare undersøkingar/tilvisingar

   3. behandling

   4. oppfølging

   Noter for kvart punkt kva nivå pasienten er innom.

3. Presenter casen for klassen, og diskuter deretter pasientreisa gjennom helsevesenet.