Fagartikkel
Styrke på lyssetjing – lux
Styrke på lyssetjing fortel kor mykje lys som fell på ei flate og kor opplyst flata er. Vi kan bruke ein lysmålar og sjekke kor mykje lys vi får til dømes på eit arbeidsområde. Styrke på lyssetjinga blir målt i lux.
På offentlege kontor er det bestemde krav til kor mange lux det bør vere på ein arbeidspult. Bilete: Maskot, NTB scanpix / CC BY-NC 4.0
Auget vårt ser ikkje styrken på lyssetjinga. Det ser kor mykje lys som blir reflektert, til dømes frå vegger eller frå ei bordflate. Innelyssetjinga i nokre rom i private heimar kan liggje ned mot 50 lux, noko som er i minste laget.
Nokre døme på lyssetjingsstyrke:
Ein solskinsdag = 100 000 lux
Ein gråvêrsdag utandørs = 1000 lux
Måneskin < 1 lux
Arbeidslyssetjing = 200–500 lux
Butikklyssetjing = 1000–2000 lux
Lux er målbart og kan målast med eit luxmeter. Dette er eit instrument som elektrokonsulentar bruker for å sjekke at retningslinjer for luxnivå blir følgt. Feil luxnivå kan få store konsekvensar for konsentrasjon og trivsel.
Dårleg lyssetjing gir mindre merksemd til produktet. Bilete: Susana Vera / CC BY-NC 4.0
Luxnivå er svært viktig ved til dømes handel i butikk. For lite lux kan føre til mindre sal.