Marknadsstrategiske vurderingar – Dyreparken i Kristiansand
Nettsida til Dyreparken i Kristiansand.
Sjå videoen ovanfor, og noter ned viktig informasjon undervegs.
I videoen seier marknads- og kommunikasjonsdirektøren: "Vi er meir enn berre ein park. Vi er ein destinasjon."
Når ein reiselivsdestinasjon tilbyr både overnatting, servering, attraksjonar og transport, kallar vi det eit heilskapleg reiselivsprodukt.
Beskriv Dyreparken i Kristiansand som eit heilskapleg reiselivsprodukt.
Forklar kva som blir meint med produkt som konkurransemiddel. Gi døme på korleis Dyreparken nyttar dette konkurransemiddelet.
Forklar omgrepa, og bruk gjerne døme frå Dyreparken i forklaringa di:
marknadsstrategi
marknadsmiks
marknadssegmentering
målgruppe
konkurransemiddel
merkevarebygging
Kva kjenneteiknar merkevara "Dyreparken i Kristiansand"?
Beskriv og vurder Dyreparken sitt arbeid med merkevarebygging.
Konkurransemiddel er strategiske verkemiddel som bedrifter nyttar for å posisjonere seg i marknaden. Desse blir òg kalla dei fem P-ar, som står for produkt, pris, påverknad (marknadskommunikasjon), plass (distribusjon) og personale.
Utforsk og vurder korleis Dyreparken i Kristiansand nyttar ulike konkurransemiddel. Vis til konkrete døme for samansetninga og bruken av konkurransemidla.
Kva konkurransemiddel meiner du Dyreparken legg mest vekt på? Grunngi svaret, og vis til konkrete døme.
Utforsk ulike marknadsstrategiar som Dyreparken kan nytte i tida framover.
Lag ein presentasjon eller skriv ein tekst som du kallar "Dyreparken i Kristiansand sin marknadsstrategi".
Dyreparken opna dørene for første gong 25. juni 1966. Gjennom åra har parken utvikla seg til å bli ein av Noregs største turistattraksjonar, med over éin million besøkjande årleg.
Kristiansand Dyrepark er opptekne av å tenkje nytt og innovativt, og dei jobbar kontinuerleg med å utvikle og satse på nye konsept. Dyreparken har mellom anna teke i bruk ny teknologi. I videoen under blir Dyreparken omtalt som den mest digitaliserte temaparken i verda.
Videoen under gir ein liten presentasjon av Dyreparken sin app.
Dyreparken har plassert ut cirka 200 beacons i parken for å kunne tilpasse opplevinga til kvar enkelt gjest. Ein beacon er ein sendar som er kopla til ein app. Med denne kan gjestane i Dyreparken få meldingar om ekstra opplevingar og aktivitetar i parken. Eit døme er at ein gjest kan få varsel på telefonen med meldinga: "Hei! Vi skal straks fôre tigrane. Det står ikkje på programmet, men du er hjarteleg velkommen."
Trur du at alle i målgruppa til Dyreparken er fortrulege med parken sine digitaliserte tenester? Diskuter med ein medelev.
Drøft fordelar og ulemper med bruk av ny teknologi for Dyreparken i Kristiansand.
Korleis ser du føre deg Dyreparken i Kristiansand i framtida? Tenk kreativt, og beskriv nokre konkrete idéar, og teikn gjerne nokre skisser for å illustrere.