Bruk bidragskalkylen

Øvre Torggate Pensjonat leiger ut rom med frukost for 823 kroner med meirverdiavgift. Meirverdiavgift på overnattingstenester er 12 prosent.

Prisen er bestemd ut frå konkurransesituasjonen, altså bruker pensjonatet konkurransebasert prissetjing.

Pensjonatet har følgande variable kostnader for éi overnatting:

Smak & Stil AS har utvikla og skal no selje eit populært produkt – ein spesiallaga termoskopp med personleg design. Dei ønsker å setje rett pris på produktet for å sikre både lønnsemd og konkurranseevne.

Kostnadene for å produsere éin termoskopp er 40 kroner. Dei har sett dekningsbidraget per termoskopp til 90 kroner. Meirverdiavgifta er 25 prosent.

Ei lita, nystarta bedrift – Energimat AS – har utvikla og skal selje sunne myslibarar. Dei har følgande tal:

• Totale variable kostnader for 5 000 myslibarar er 25 000 kroner.

• Bedrifta ønsker eit dekningsbidrag per bar på 10 kroner.

• Meirverdiavgift er 15 prosent.

StreetStyle AS er ei lita bedrift som designar og sel moderne kaps med eige trykk. Dei har selt kaps både i butikk og på nett, og no skal dei rekne på kva dei faktisk tener per selde kaps – og kor mykje som går til å dekke kostnader.

For kvar kaps har dei følgande tal:

• Salspris utan meirverdiavgift: 250 kroner

• Variable kostnader per kaps: 150 kroner

• Meirverdiavgift: 25 prosent

SmoothieFix AS er ei lita bedrift som sel ferske smoothiar på skulekantinar og idrettsarrangement. Etter ein travel sesong gjer dei opp status og ser at dei har hatt eit overskot på 50 000 kroner. Dei har òg desse tala frå rekneskapen:

• Faste kostnader: 20 000 kroner

• Mengde selde smoothiar: 3 000

• Variable kostnader per smoothie: 15 kroner

• Meirverdiavgift : 25 prosent (omsetning av serveringsteneste)

Ei lokal butikkjede – TrendTek AS – har begynt å selje små, trådlause høgtalarar. Dei kjøper inn høgtalarane frå ein grossist for 75 kroner per stykk. For å tiltrekke seg kundar har dei bestemt at utsalsprisen (utan mva.) skal vere 99 kroner.

Leiinga har samtidig sett eit krav om at dekningsgraden på alle varer skal vere minst 28 prosent for at drifta skal vere lønnsam over tid.

Butikken PrisSmart AS har mange konkurrentar i området og bruker derfor konkurransebasert prissetjing. Det betyr at dei ser på kva konkurrentane tek, og prøver å tilpasse seg marknaden.

Dei har valt å selje eit populært produkt for 99 kroner med mva. (25 prosent), sjølv om dei kjøper det inn for 60 kroner per eining (variable kostnader).

I tillegg har butikken eit internt krav om å ha minst 20 prosent dekningsgrad på alle varer.

Bedrifta PlastSmart AS sel ei lita, men populær vare i store mengder. Dei har ei fast kundegruppe og sel 9 000 varer i året. Dei har oppgitt følgande tal:

• Salspris med mva.: 20 kroner

• Mva.-sats: 25 prosent

• Variable kostnader per vare: 12 kroner

• Faste kostnader per år: 60 000 kroner

Idrettshuset AS er ein sportsbutikk som sel treningsklede og skiutstyr. Dei har nyleg kjøpt inn eit parti på 75 treningsjakker. Jakka blir seld for 1 250 kroner med mva. og skal vere ein av toppseljarane i sesongen. Dei har følgande informasjon om jakka:

• Innkjøpspris per jakke utan mva.: 370 kroner

• Andre innkjøpskostnader: 4 000 kroner for heile partiet

• Mva.-sats: 25 prosent

EcoBox AS er ei lita, norsk bedrift som spesialiserer seg på berekraftige oppbevaringsboksar laga av resirkulert plast. Dei produserer og sel både på nett og til interiørbutikkar. Dei lanserer no ein ny serie som heiter "EcoLuxe", og ønsker å setje ein pris som både gir dei overskot og treffer den grøne marknaden.

Produksjonen skjer i Noreg, og rekneskapen viser følgande tal for ein produksjonsserie på 300 boksar:

• Materialkostnader: 31 500 kroner

• Lønnskostnader knytte direkte til produksjon: 22 500 kroner

• Transport og emballasje: 3 600 kroner

• 10 boksar blei skadde i produksjonen og må kastast.

• Bedrifta ønsker å selje boksen for 179 kroner med mva. (25 prosent) i butikk.

• Faste kostnader knytte til utvikling, marknadsføring og utstyr er 40 000 kroner.

• Mål for dekningsgrad: minimum 50 prosent