Oppgave
Rekruttering til M&M importbedrift AS
I denne oppgåva skal du gjere ein jobbanalyse for Morten og Minoos bedrift, M&M importbedrift AS. I tillegg skal du kome med forslag til ein stillingsannonse.
Det er mykje å gjere for Morten og Minoo. Bilete: Corbis, NTB / CC BY-NC-SA 4.0
Bedrifta importerer profileringsutstyr til bedrifter og idrettslag. Bedrifta har hatt eit godt år med aukande aktivitet, og sidan dei berre er to tilsette, klarer dei ikkje å følgje opp alle kundane på ein tilfredsstillande måte. Dei treng ein person som kan hjelpe til med sal og kundeoppfølging.
- Lag først ei liste over kva oppgåver ei slik stilling inneber. Kva slags ansvar og kva plikter følgjer med?
- Kva slags utdanning, erfaring og personlege eigenskapar krev stillinga?
- Lag forslag til ein stillingsannonse.