Skjema for serievendar

I dette dømet ønskjer kunden å ha ei vifte montert i bua for å tørke klede der. Denne skal ein kunne slå av og på med ein brytar ved døra.

I dette tilfellet vel vi å montere ein stikkontakt for vifta. Vi monterer òg ein serievendar som brytar ved døra, då kan både vifte og taklampe styrast med same brytar.

Skjemaet viser at bua får tilførsel frå koplingsboksen nedst i biletet. Tilførselen går til serievendaren, der han blir fordelt til lampa og den doble stikkontakten med jord. Dei bogne kabelføringane indikerer at dette er eit skjult anlegg.

Om du ikkje kjenner brytaren godt, kan du studere baksida av bryteren, eventuelt det medfølgjande databladet.

Skjemaet viser korleis ein serievendar blir kopla i dette tilfellet. Legg merke til at L-greina blir fordelt til dei to bryterne, mens N-greina ikkje kan brytast.

Med tanke på kopling har det ikkje noko å seie kva slags L-grein som går til brytaren og til lampa, men med tanke på praktisk bruk kan det vere greitt å ha ein tanke om kva som er venstre og høgre del av brytaren.