Installasjon av Omada-kontrollar i Ubuntu 20.04
Denne guiden tek utgangspunkt i Omada SDN Controller 5.12.xx og Ubuntu Server 20.04 LTS (Long Term Service).
Har du ein nyare versjon av kontrollarprogramvara og Ubuntu-distribusjonen, må du kanskje bruke ein annan framgangsmåte. Vi tilrår at du i så fall sjekkar om det er gjort endringar i framgangsmåten.
Dersom du skal installere på ei virtuell datamaskin, tilrår vi at du tek ein sikkerheitskopi av den virtuelle maskina før installasjonen.
Start med å gå inn i Linux-terminalen på maskina du skal bruke til nettverkskontrollar.
Vi tilrår at du bruker SSH via til dømes programmet Putty. Bruk av SSH gjer det enkelt å kopiere kommandoar inn i terminalen og ta skjermbilete av arbeidet du gjer.
Installer nødvendige tilleggsprogrampakkar
Start med å oppdatere pakkereservoara (apt repository) til Ubuntu-installasjonen din.
1sudo apt update
Stadfest installasjonen med "y" og enter (dette gjeld for alle slike førespurnader som du vi få vidare under installasjonen).
Last ned følgande tilleggsprogrampakkar som er nødvendige for installasjonen.
1sudo apt install jsvc software-properties-common gnupg apt-transport-https ca-certificates openjdk-11-jre-headless
Gjer klar for installasjon frå framandt pakkereservoar
Pakkereservoara (apt repository) til Ubuntu inneheld mykje av den mest brukte programvara. Men nokre program er ikkje lagde inn eller ikkje lagde inn med nyaste versjon.
I slike tilfelle kan du laste ned programma direkte til maskina, eller du kan legge til andre pakkereservoar (til dømes produktleverandøren sitt eige pakkereservoar). Det er det sistnemnde vi skal gjere i denne rettleiinga.
Last ned sikkerheitsnøklar for MongoDB database versjon 4.4 og lagre desse lokalt.
1curl -fsSL https://pgp.mongodb.com/server-4.4.asc | sudo gpg -o /usr/share/keyrings/mongodb-server-4.4.gpg --dearmor
Legg inn MongoDB pakkereservoar som pakkereservoar lokalt på maskina. (Dette er éin enkelt lang kommando, ikkje del han opp.)
1echo "deb [ arch=amd64,arm64 signed-by=/usr/share/keyrings/mongodb-server-4.4.gpg ] https://repo.mongodb.org/apt/ubuntu focal/mongodb-org/4.4 multiverse" | sudo tee /etc/apt/sources.list.d/mongodb-org-4.4.list
Oppdater lokalt pakkereservoar. Dette sikrar at det nye framande pakkereservoaret blir kontakta når installasjonskommando blir gitt seinare. Dersom du får feilmelding av "update"-kommandoen, må dette feilsøkast før du går vidare.
1sudo apt update
Installer og klargjer databasen MongoDB 4.4
MongoDB er ein NOSQL-database som er mykje brukt mellom anna av Facebook, Google og IBM. For TP-link Omada må vi dessverre bruke ein spesifikk og gammal versjon av denne databaseprogramvara.
1sudo apt install mongodb-org
Start så opp MongoDB-databasen.
1sudo systemctl start mongod.service
Bruk kommandoen under for å starte opp MongoDB automatisk kvar gong maskina startar opp.
1sudo systemctl enable mongod
Lag lenke mellom Java-plasseringar
Java-installasjonen du gjorde tidlegare, har ei plassering som ikkje stemmer overeins med forventa plassering ifølge installasjonsskriptet til Omada-kontrollaren. Dette kan vi enkelt rette ved å lage ei lenke mellom faktisk og forventa plassering.
Først lagar du ei mappe for den forventa plasseringa.
1sudo mkdir /usr/lib/jvm/java-11-openjdk-amd64/lib/amd64
Lag lenke mellom faktisk og forventa plassering i filsystemet.
1sudo ln -s /usr/lib/jvm/java-11-openjdk-amd64/lib/server /usr/lib/jvm/java-11-openjdk-amd64/lib/amd64/
Last ned og installer Omada-nettverkskontrollar
Flytt plassering i terminalen til heimemappa til Linux-brukaren.
1cd ~
Gå til TP-link si heimeside og finn den nyaste versjonen av deira Omada SDN Controller for Linux (du er ute etter den nedpakka versjonen som har filnamn som sluttar på .tar.gz). Kopier lenka du finn, og lim ho inn i staden for ho som er i kommandoen under.
1wget https://static.tp-link.com/upload/software/2023/202309/20230920/Omada_SDN_Controller_v5.12.7_linux_x64.tar.gz
Pakk ut fila du har lasta ned (her må du byte ut med namnet som stemmer med versjonen du lastar ned).
1tar zxvf Omada_SDN_Controller_v5.12.7_linux_x64.tar.gz
Gå inn i mappa som vart pakka ut. Her må du òg byte namn avhengig av versjonen du lasta ned.
1cd Omada_SDN_Controller_v5.12.7_linux_x64
Køyr installasjonsskriptet for Omada-kontrollaren.
1sudo bash ./install.sh
Installasjon og oppstart vil ta nokre minutt.
Kople til Omada-nettverkskontrollar med nettlesar
Under installasjonen fekk du oppgitt ei IP-adresse og portnummer for å kople til webgrensesnitt. Denne adressa er ei lokalhost-adresse som ikkje kan brukast utanfor den spesifikke maskina. For å nå nettverkskontrollaren frå ei anna maskin må du bruke IP-adressa til nettverkskontrollarmaskina og det oppgitte portnummeret, til dømes slik:
1http://192.168.1.41:8088Åtvaring om ugyldig sikkerheitssertifikat
Nettverkskontrollaren bruker sitt eige genererte sikkerheitssertifikat for nettlesarkommunikasjon. Dette vil ikkje nettlesaren din kjenne igjen, og du vil derfor få ei åtvaring om usikker tilkopling.
Sidan dette er ei teneste du sjølv har sett opp og kommunikasjonen berre går via lokalnettverket, kan du overstyre åtvaringa og gå vidare til nettsida.
Lage brukarkonto i Omada-kontrollarprogramvara
På den første sida av installasjonsvegvisaren vel du "Let's Get Started". Du blir då send til oppsett av brukarkonto til kontrollaren. Lag eit brukarnamn, e-post (treng ikkje vere ekte) og passord. Skru av for "Cloud Access" og trykk på "Next" for å gå vidare.
På den neste sida vil du bli spurd om du ønsker å importere ein gammal konfigurasjon eller starte ein ny. Vel "Config New Setup".
Du kjem no til ein vegvisar for oppsett av nettverk og einingar. Dette bør du gjere manuelt seinare (for å ha alle konfigurasjonsmoglegheitene). Trykk på "Skip"-knappen for å hoppe over konfigurasjonen.
Du får no opp ein gjennomgang av brukargrensesnittet til Omada-kontrollaren. Du kan gå gjennom denne eller krysse deg ut og til sjølve brukargrensesnittet oppe i høgre hjørne.
Du er no inne i brukargrensesnittet til Omada-nettverkskontrollaren. Du er no klar å konfigurere og adoptere inn nettverksutstyret ditt. Dette går vi vidare med i ein annan artikkel.