Forsøk
Forsøk: Undersøk venene
Vener er blodårer som fører blodet tilbake til hjartet. I denne øvinga skal du studere venene mellom olboge og handledd.
Bilete: Kristin Bøhle / CC BY-SA 4.0
Muskelvenepumpa. Bilete: Science Photo Library / CC BY-NC 4.0
Finn fram eit tørkle eller liknande til å binde rundt armen.
Det kan vere lurt å studere underarmen til ein person som i utgangspunktet har lett synlege årer.
- Knyt eit tørkle eller liknande stramt like over olbogeleddet.
Hald armen ned langs sida.
- Kva skjer med blodstraumen i venene når vi held armen ned langs sida?
- Blokker ei stor blodåre (vene) med ein finger.
- Kva skjer i vena ovanfor og nedanfor fingeren?
- Plasser ein annan finger inntil den første, og skyv blodet opp mot olbogen, som vist på biletet nedanfor.
- Kva ser du?
- Fjern den siste fingeren (nummer 2 på biletet).
- Kva skjer med blodet i vena når den siste fingeren blir fjerna? Forklar.
Plasser den andre fingeren inntil den første, og skyv blodet oppover mot olbogen med den andre fingeren. Bilete: Kristin Bøhle / CC BY-SA 4.0
- Forklar funksjonen til veneklaffane.
- Blodtrykket i venene (venetrykket) endrar seg avhengig av om ein person står i ro eller er i bevegelse. Normalt er venetrykket i føtene ca. 3 kPa. (Pa står for pascal og er ei måleining for trykk.) Dersom ein person står heilt i ro, kan venetrykket i føtene auke til om lag 5 kPa. Korleis vil du forklare denne endringa i venetrykket?
- Kvifor har ikkje arteriar klaffar?