I 2007 vart det dyrka 455 000 tonn bygg i Noreg. Drygt 3000 tonn gjekk til mat. Det er ei aukande interesse for å nytta meir bygg til mat, fordi bygg inneheld viktige fiberstoff som er gunstige i ernæringa.
Bruk
Byggmjøl har ikkje bakeevne, men kan nyttast i mange ulike produkt, som graut og suppe, eller blanda med kveitemjøl til brød og kjeks. Det aller meste av bygget som vert dyrka i Noreg, vert nytta til dyrefôr.
Byggmjøl
Bygg vert foredla og finst som byggmjøl eller byggryn. Byggmjøl har ikkje evne til å utvikla gluten slik som kveite. Ei blanding av inntil 40 prosent bygg med sikta kveite kan gi gode resultat ved baking. Det er mogleg å baka med meir byggmjøl, men då får vi brød som vert tunge og kompakte.
Næringsinnhald
Bygg inneheld i gjennomsnitt 78 prosent karbohydrat, 9–12 prosent protein, knapt to prosent feitt og fem prosent fiber.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Sesong
Bygg vert hausta når kornet er moge, vert lagra og er å få kjøpt heile året.
Utbreiing
Bygg kan dyrkast i store delar av landet.
Med andre ord:
Latin: Hordeum vulgare
Engelsk: Barley
Tysk: Gerste
Fransk: Orge commune