Soptsesh, vuelieh, dikth jïh jeatjah teeksth soptsestieh guktie almetjh jealeme, ussjedamme jïh domteme tïjji mietie. Gosse mijjieh teeksth lohkebe dellie maehtebe aelkedh ussjedidh, maam akt lïeredh jallh måarahtovvedh. Lissine teeksth maehtieh mijjem faepieldidh jallh madtjeldehtedh.

Aktene ektie-bïejeme teekstesne ij leah ajve dïhte mij tjaalasåvva baakoejgujmie jïh bokstaavigujmie. Ektie-bïejeme teekstesne dovne teeksth, guvvieh jïh/ jallh tjoejh mah aktese bïejeme. Ektie-bïejeme teeksth leah vuesiehtimmien gaavhtan guvvie, musihke, reklaame, filme, guvvie-raajroe j.n.v.