Byjjes prievie

Byjjes prievieh leah tjaalasovveme vihties njoelkedassi mietie. Åssjele njoelkedassigujmie lea tjaeledh guktie prievie sjeakoes sjædta jïh aelhkie lohkedh.

Tjaelieh dov nommem jïh adressem bijjemes gårroeh roenesne. Rïekte påaste-adressen nuelesne maahtah dov tellefovne-nommerem jïh e-påaste-adressem tjaeledh.

Daatoe edtja seamma linjesne årrodh goh seedtijen påaste-sijjie, ånnetji gaskoen åelkies-bielesne. Daatoem aelhkemes lohkedh jis asken nommem tjaalah.

Njulhtjh naan linjah bijjelen, tjaelieh nommem jïh adressem dåastoejasse.

Bijjie-baakoe edtja soptsestidh man bïjre prievie jïh edtja gïsse bokstaavigujmie jïh bielelen sïevem årrodh. Vaallah edtjh punktume jallh jeatjah juekeme-væhtah bijjie-baakoen minngesne.

Aalkoe edtja åenehks årrodh. Tjïelkesth maam aamhtesidie datne sïjhth bæjjese vaeltedh. Jis aktem vaestiedasse-prieviem tjaalah, iktesth aalkah annonsese jallh preavan vuesiehtidh maam vaestedh. Aalkoen mænngan aktem gåaroes linjam bïejh - åvtelen åejvie-boelhkine aalkah.

Åejvie-boelhkesne veelebe aamhtesen bïjre tjaalah, jïh gihtjh dan bïjre mïsse ussjedh. Darjoeh boelhkem åvtelen galhkuvinie aalkah.

Galhkuve edtja åenehks årrodh. Maedtedh maaje dåastojem dåajmijeslaakan dallah vaestiedidh, guktie lea dorjeme vuesiehtimmesne. Minngemosth galhkoeh baakoejgujmie ”heelsegh” jallh ”jïjnjh heelsegh” jïh dov nommine. Mujhtieh nommem aaj gïetine tjaeledh.

Lissie-teeksth leah paehperh, brosjyrah jïh plearoeh mejtie prievine ektine seedth. Minngemes tjaalah man gellie lissie-teeksth datne seedth dov nommen vuelielisnie.

Gosse prieviem tjaalah akten vihties almetjasse, maahtah datne nuhtjedh. Dastegh prieviem akten sïeltese tjaalah jïh prievie ij leah akten sjïere almetjasse, nuhtjh hammoem dijjieh. Men mujhtieh dovne datne jïh dijjieh edtjieh onne åvte-bokstaavine tjaalasovvedh.

E-påaste-prievie jeatjahlaakan vååjnoe goh paehpere-prievie, jïh e-påaste-prievesne ij daarpesjh dan byjjeslaakan tjaeledh goh trygkeme prievesne.