Minngemes aejkien mijjieh jiene-jienebe filmh åådtjeme mejtie saemieh dorjeme. Mijjieh dovne spïele-filmh jïh åenehks- filmh utnebe. Ibie dan gellie filmh utnieh åarjelsaemien gïelesne, dan åvteste mijjieh daennie teemesne åenehks-filmh nuhtjeme maam saemieh dorjeme.

NDLA film interaktijve filmestudije-aarkh dorjeme filmide Rebel jïh Hilbes biigá. Filmh leah biehkie åenehksfilme-våarhkoste Sámi short films, maam Internasjonalt Samisk Filminstitutt bæjhkoehtamme.