Laavenjassh: Vuelie konteekstesne
Gosse edtjebe teekstem analyseradidh, dellie maahtoe konteeksten bïjre maahta viehkine årrodh gosse edtjh teekstem guarkedh.
![Bovtsh rahtjeminie. Guvvie](https://api.ndla.no/image-api/raw/py2Scsxv.jpg?width=1024)
1. laavenjasse
Voestegh edtjh gaaltijh vuelien bïjre lohkedh jïh vuartasjidh. Gaaltijh maehtieh datnem viehkiehtidh gosse datne edtjh vueliem guarkedh.
Gaaltije 1
Lohkh Gåastan bïjre.
Vuartesjh filmem gosse Gaebien Gåsta vueliem Gaavalohke juajka jïh govlh maam Gåsta teeksten bïjre soptseste.
Gaaltije 2
Lohkh tjaalegem Joejkeme jeala.
- Maam gaaltijh Gåstan jïh vuelien bïjre soptsestieh?
- Guktie datne baakoem Gaavalohke toelkesth? Gie/mij gaavalohke?
Maam vïenhth Gåsta sæjhta daejnie vierse-boelhkine soptsestidh?
Båetieh mov gaavalohke
daagkoe lea vaalje
vuelelen njååjte lea
åvtelisnie stoerre-vaegkie
- Mij teeksten/vuelien teema?
- Maam vuelie/dikte soptseste saemiej bïjre?
- Tjaelieh mah gïeleviehkie-dïrregh tjaelije nuhtjeme jïh buerkesth dej funksjovnem.
- Veeljh naan viersh dikteste jïh tjaelieh skaepiedihks tjaalegem.
2. laavenjasse
Lohkh vueliem ikth vielie jïh tjaelieh vïjhte raajesh mah soptsestieh guktie datne vueliem/teekstem guarkah.
CC BY-SASkrevet av Liv Karin Joma.
Sist faglig oppdatert 11.04.2019