Seerkeme-baakoej bïjre
Guktie maadth-baakoste seerkedh
Substantijveste «guelie» maehtebe orre baakoeh seerkedh
substantijve, seerkeme-gietjine: –tje
adjektijve, seerkeme-gietjine: –jes
guelie (subst) – gualetje (subst)
guelie (subst) – gualijes (adj)
Vïhtesjh tjoeje-molsemem, dïhte voestes roehtse-vokaale molse: ue → ua.
Substantijveste – adjektijvese
Jeatjah jis baakoe-seerkemh gusnie ij naan tjoeje-molseme sjïdth, vuartesjh adjektijvem, seerkeme-gietjine: –hts
guelie (subst) – guelehts (adj)
Substantijveste ─ verbese
Substantijveste «guelie» seerkeme-verbe «gööledh» båata
guelie (subst) – gööledh (v)
Vïhtesjh tjoeje-molsemem, voestes roehtse-vokaale molse: ue → öö.
Verbeste ─ substantijvese
Verbeste «gööledh» dah substantijvh jis båetieh
substantijve, seerkeme-gietjine: –je
substantijve, seerkeme-gietjine: –me
gööledh (v) – göölije (subst)
gööledh (v) – gööleme (subst)
Verbeste ─ verbese
Verbeste «gööledh» jis mubpieh verbh båetieh mah soptsestieh ånnetji jallh akten aejkien gööledh, jallh gïehtelidh gööledh
verbe, seerkeme-gietjine: –stidh
verbe, seerkeme-gietjine: –didh
gööledh (v) – göölestidh (v)
gööledh (v) – gööledidh (v)
Iktedimmie
Vuartesjh tabellem guktie daah baakoeh seerkesovveme.
Seerkeme-baakoeh | Seerkeme-baakoe | Maadth-baakoe |
|---|---|---|
| gualetje (subst) | guelie (subst) | |
| gualijes (adj) | guelie (subst) | |
| guelehts (adj) | guelie (subst) | |
| gööledh (v) | guelie (subst) | |
| göölije (subst) | gööledh (v) | guelie (subst) |
| gööleme (subst) | gööledh (v) | guelie (subst) |
| göölestidh (v) | gööledh (v) | guelie (subst) |
| gööledidh (v) | gööledh (v) | guelie (subst) |
Gaajhkh seerkeme-baakoeh båetieh daehtie seamma maadth-baakoste «guelie».
Baakoen voestes roehtse-vokaale naemhtie molse
ue → ua
ue → öö