Guktie maadth-verbeste seerkedh
Baakoeh maadth-verbeste
Lïerh guktie baakoeh verbeste seerkedh jïh seerkeme-verbh darjodh maadth-verbeste.
Verbeste ─ substantijvese
Maadth-verbeste «tjoejkedh» maehtebe substantijvh seerkedh.
tjoejkedh (v) – tjoejkije (subst)
tjoejkedh (v) – tjoejkeme (subst)
Verbeste ─ verbese
Maadth-verbeste «tjoejkedh» gellie seerkeme-verbh mah vielie bïevnesh verbese lissiehtieh
varki jallh dallegh (tjoejkijidh, tjoejkelidh)
ånnetji jallh akten aejkien (tjoejkestidh)
guhkiem jallh gellien aejkien (tjoejkedidh)
bovtsem tjoejkehtidh, gïehtelidh tjoejkehtidh (tjoejkehtalledh) jallh snöölhkem tjoejkehtehtedh
tjoekedh (v) – tjoejkijidh (v)
tjoejkedh (v) – tjoejkelidh (v)
tjoejkedh (v) – tjoejkestidh (v)
tjoejkedh (v) – tjoejkedidh (v)
tjoejkedh (v) – tjoejehtidh (v)
tjoejkedh (v) – tjoejkehtalledh (v)
tjoejkedh (v) – tjoejkehtehtedh (v)
Vïhtesjh! Saemien lea verbe-gïele dan åvteste gïelen dan jïjnjh ovmessie verbh.
Seerkeme-verbeste ─ substantijvese
Seerkeme-verbeste maehtebe dovne substantijvem seerkedh.
tjoejkedh (v) – tjoejkehtidh (v) – tjoejkehtæjja (subst)
Iktedimmie
Vuartesjh tabellem guktie daah baakoeh seerkesovveme.
Seerkeme-baakoeh | Seerkeme-baakoeh | Maadth-baakoe |
|---|---|---|
| tjoejkije (subst) | tjoejkedh (v) | |
| tjoejkeme (subst) | tjoejkedh (v) | |
| tjoejkijidh (v) | tjoejkedh (v) | |
| tjoejkelidh (v) | tjoejkedh (v) | |
| tjoejkestidh (v) | tjoejkedh (v) | |
| tjoejehtidh (v) | tjoejkedh (v) | |
| tjoejkehtæjja (subst) | tjoejkehtidh (v) | tjoejkedh (v) |
| tjoejkehtalledh (v) | tjoejehtidh (v) | tjoejkedh (v) |
| tjoejkehtehtedh (v) | tjoejehtidh (v) | tjoejkedh (v) |