Åejvie- jïh lïhtse-raajesh
Åejvie- jïh lïhtse-raajesi bïjre
Åejvie-raajese lea ellies raajese, gusnie subjekte jïh verbaale, v.g.:
Åejvie-raajese
Manne (S) båatam (V).
Daah muvhth åejvie-raajesh, v.g.:
Manne båatam.
Båatam.
Manne edtjem båetedh.
Edtjem båetedh.
Im båetieh.
Im edtjh båetedh.
Ih goh båetieh?
Aellieh båetieh!
Ellies raajese aalka stoere bokstaavine jïh orrije punktuminie, gihtjeme-væhtine jallh stilleme-væhtine, v.g.:
Åejvie-raajesh
Manne jirreden båatam.
Datne aaj jirreden båatah?
Aellieh båetieh!
Ellies raajese maahta göökte åejvie-raajesh årrodh mah ektesne dabreldh, v.g. konjunksjovnine jïh.
Göökte åejvie-raajesh
Manne båatam jïh vïelle aaj båata.
Lïhtse-raajesh eah leah ellies raajesh, v.g.:
Lïhtse-raajese
..., mij sjædtoej bïjre.
Juktie ellies raajesinie sjïdtedh, dellie lïhtse-raajese tjuara åejvie-raajesasse dabreldh. Lïhtse-raajese dellie goh åejvie-raajesen vuelie-lïhtse, v.g.:
Åejvie-raajese jïh lïhtse-raajese
Aanta gærjam låhka, mij sjædtoej bïjre.
Vïhtesjh! Gellien aejkien komma-væhta daagkeres raajesisnie, jïh gellien aejkien ij leah.
Relatijve raajesh
Relatijve raajesh iktegisth subjunksjonaaline aelkieh. Jïjnjemes aejkien subjunksjonaale lea relatijve pronomene mij, gie jallh guhte, dan taalen jïh kasusen mietie mij raajesasse sjeahta, v.g.:
Åejvie-raajesh jïh relatijve raajesh
Idtjim manne govlh, maam jeehti.
Im daejrieh gïese dam soptsesti.
Relatijve raajesh maehtieh aaj subjunksjonaaline aelkedh mij adverbijaale. Dïhte subjunksjonaale maahta årrodh gusnie (sijjie-adverbijaale), gosse (tïjje-adverbijaale) jïh guktie (vuekie-adverbijaale), v.g.:
Åejvie-raajesh jïh adverbijaale relatijve raajesh
Datne daajrah gusnie dah?
Tjoerebe eensilaakan ussjedidh gosse laavenjassine barkebe.
Im manne daejrieh, guktie darjodh.
Adverbijaale lïhtse-raajesh
Adverbijaale lïhtse-raajesh adverbijaaline åejvie-raajesasse. Gellien aejkien dah aelkieh subjunksjonaaline, v.g.: goh, gosse, juktie, goske, eannan, mearan.
Åejvie-raajesh jïh adverbijaale lïhtse-raajesh
Öövre sæjloes lij goh gåatan bööti.
Tjoerem vuertedh goske bååstede båata.
Vuertieh ånnetji mearan manne ryöjredem.
1. laavenjasse
2. laavenjasse
Tjaelieh lïhtse-raajesh daejtie åejvie-raajesidie, juktie ellies raajesh sjidtieh.
Aanta jeehti
Dïhte ussjedi
Manne vïenhtem
Im mujhtieh
Tjoerem ussjedidh
Vååjnoe
3. laavenjasse
Tjaelieh åejvie-raajesh daejtie lïhtse-raajesidie, juktie ellies raajesh sjidtieh.
guktie dan nïmme.
jis dam sïjhth.
juktie dam buektiehtidh.
mïsse dam provhkedh.
goh aarebi.
mestie måarahtovvi.
4. laavenjasse
Tjaelieh vïjhte ellies raajesh, gusnie åejvie- jïh lïhtse-raajese ektesne dabreldh.
5. laavenjasse
Mah joekehtsh åejvie-raajesi jïh lïhtse-raajesi gaskem? Buerkesth.