Gåetie-luhpiem veeljedh
Daelie lïerh
gåetie-luhpiem veeljedh
buerkiestidh man åvteste dam veeljedh
1. Lohkh daejtie golme gåetieluhpie-bïevnesidie
A.
Njieljie gåetie-luhpieh 5 km staaren jarngeste. Asken åasa 3 750 kråvnah. Fïerhte tjïehtjele 10 kvm. Gåetien stoere jïh tryjjes tjöövke jïh onne laavkome-tjïehtjele mejtie gaajhkesh maehtieh nuhtjedh. Maahtah aaj mööbelh leejjestidh. Busse gåetie-luhpien baaktoe vuaja aereden, gaske-biejjien jïh iehkeden. Daelvege guhkies laategh barre gåetien ålkoelisnie.
B.
Gåetie-luhpie tjeallerisnie gusnie ståapoe, åereme-tjïehtjele, onne tjöövke jïh stoerre laavkome-tjïehtjele. Lissine tjeallere-buvrie. Laavkome-tjïehtjelisnie stratjke-laavkoe, ohtje-gåetie jïh dovne bïsseme-maskijne. Gåetie-luhpie 32 kvm jïh fïerhten asken åasa 6 300 kråvnah. Gåetie-luhpie 3 km staaren jarngeste. Maahtah jïlle-skuvlese, bovrese jïh eejehts-sæjjan vaedtsedh.
C.
Staaren jarngesne maahtah tjaebpies gåetie-luhpiem leejjestidh 8 400 kråvnaj åvteste. Desnie onne tjöövke, tryjjes ståapoe, åereme- jïh laavkome-tjïehtjele, gaajhke 30 kvm. Staejmie jïh sneehpes gaske-viermie åasesne. Skuvlh, bovrh jïh prïhtjh-gåetieh gåetie-luhpien lïhke.
2. Mij reaktoe?
3. Ussjedh jïh vaestedh
Veeljh gåetie-luhpiem!
Mij gåetie-luhpide bööremes dov mïelen mietie? Man åvteste? Buerkesth!
4. Tjaelieh
Tjaelieh maam gåetie-luhpide datne veeljeme jïh buerkesth aaj man åvteste daam veeljeme!
5. Ringkh jïh gihtjh
Ringkh lååjkerdæjjese jïh gihtjh gåetie-luhpien bïjre. Maam dåtnoeh sinsætnan jiehteden?
6. Tjaelieh
Maam dåtnoeh lååjkerdæjjah sinsætnan jiehteden gosse datne dïsse ringkh? Tjaelieh soptsestallemem!