Gåetie-luhpiem gaavnedh

1. Goltelh jïh lohkh

Aanta jïh Næjla seamma sæjjan edtjijægan juhtedh. Aanta edtja jïlle-skuvlesne aelkedh lohkedh. Næjla edtja bïjlevierhkie-sijjesne barkedh. Gåabpatjahkh gåetie-luhpiem ohtsedeminie. Goltelh gosse sinsitnine soptsestalleminie.

Gåetie-luhpiem gaavnedh

Aanta: Datne gåetie-luhpiem gaavneme?

Næjla: Im leah! Nååts datne?

Aanta: Ohtsedamme, men im daejrieh annje. Sjïehteles gåetieluhpie-bïevnesem gaavneme. Daan iehkeden edtjem lååjkerdæjjese ringkedh gihtjedh.

Næjla: Gusnie dïhte gåetie-luhpie jis? Dov skuvlen lïhke, vuj tjoerh bussine skuvlese dåeriedidh?

Aanta: Gåetie-luhpie skuvlen lïhke.

Næjla: Man dovrehke dellie?

Aanta: Naa dovrehke, fïerhten asken åvteste 6 500 kråvnah.

Næjla: Kaanne maehtien dellie ektesne leejjestidh?

Aanta: Ij gåaredh, bïevnesinie tjåådtje gåetie-luhpie ajve akten almetjasse.

Næjla: Ov dellie gaatesjen!

2. Vaestedh gyhtjelasside

1. Gie sjïehteles gåetieluhpie-bïevnesem gaavneme?

2. Gïese Aanta edtja ringkedh?

3. Man bïjre Aanta edtja gihtjedh?

4. Gusnie dïhte gåetie-luhpie?

5. Man dovrehke lea?

6. Man gellie almetjidie gåetie-luhpie?

7. Maam Næjla tuhtjie dan bïjre?

3. Soptsesth

Guktie gåetie-luhpie?

Vuartesjh guvviem jïh illustrasjovnem. Soptsesth guktie dïhte gåetie-luhpie.

4. Tjaelieh

Tjaelieh guktie gåetie-luhpie jïh buerkesth aaj man åvteste dïhte sjïehtele.