1. Buerie voelpetjh

1. Goltelh, orresth jïh lohkh

− Haaj, hijven datne aaj aareh skuvlese böötih.

− Jaa, manne lyjhkem skuvlesne tråjjadidh aarebi skuvle aalka.

− Jaa, manne aaj jïh sjïere gosse datne provhkh aareh båetedh.

− Daelie tuhtjem skuvle dan ovrovne.

− Man åvteste?

− Manne madte-tæjmose kråvvedem. Madte dan geerve sjïdteme. Im maehtieh daan våhkoen leaksoeh darjodh.

− Månnoeh maehtien madte-leaksojde ektesne darjodh daan iehkedsbiejjien.

− Hijven, manne dutnjien båatam. Båetieh, dåeredh juelkie-tjeengkerem tjïektjedh.

2. Vaestedh

1. Datne aareh vuj seente skuvlese båatah?

2. Datne skuvlesne tråjjedh vuj ih tråjjedh?

3. Datne tuhtjh skuvle luste vuj ovrovne?

4. Datne madte-tæjmose aavodh vuj kråvvedh?

5. Datne tuhtjh leaksoeh aelhkie vuj geerve?

6. Datne provhkh dov leaksoeh oktegh vuj giejnie joem ektine darjodh?

7. Datne tuhtjh luste vuj ovrovne juelkie-tjeengkerem tjïektjedh?

3. Soptsesth jïh tjaelieh

Jåerhkieh soptsestallemem.

4. Goltelh, orresth jïh lohkh

− Guktie bist datnine, Meerje? Datne dovne aavojne jïh ånnetji aerkies vååjnh.

− Nov, manne aerkies hïeljese.

− Maam dellie darjodh?

− Gæmhpoem spealadidh.

− Ih datne tuhtjh luste spealadidh?

− Nov lea, mohte daelie mov voelpe mov sijjiem baanesne åådtjeme.

− Guarkam. Tjoerh bïenghkesne tjahkasjidh dellie?

− Jaa, saavrehtæjja dam jeehti jååktan.

− Maam dov voelpese jiehtedh?

5. Vaestedh

1. Guktie Meerje vååjnoe?

2. Guktie dejnie?

3. Maam edtja hïeljese darjodh?

4. Meerje tuhtjie luste spealadidh?

5. Magkeres gæmhpoem edtja spealadidh, datne vïenhth?

6. Datne provhkh maam joem spealadidh?

7. Datne provhkh gæmhpoeh spealadidh?

8. Datne aavodh vuj kråvvedh gosse edtjh gæmhpoem spealadidh?

6. Soptsesth jïh tjaelieh

Maam datne vïenhth Meerje sov voelpese jeehti? Tjaelieh soptsestallemem.