Motovre-sygkelem vaeresne vuejedh
Daelie lïerh
baakoeh jïh jïehtegh naan vuajahtahki bïjre.
naan orre baakoeh båatsoen bïjre.
golme-lihtsen verbh presensesne jïh preteritumesne sojjehtidh.
golme-lihtsen verbh nyöjhkedh.
Pïere tuhtjie hijven vaeresne årrodh. Tuhtjie joekoen luste gosse bovtsi luvnie, jïh giesien mïerhkesjimmie lea lustemes. Daan giesien Pïere edtja meatan årrodh bovtsh vuejiehtidh.
Dannasinie motovre-vuajahtahkem daarpesje. Gellie båatsoe-burrieh njielje-jårresh vuejieh, Pïeren tjidtjie jïh jyöne aaj. Men Pïere ussjede motovre-sygkele lea spaajhtebe goh njielje-jårrese. Pïeren aajkohke Sööfe vïjhte jaepieh båarasåbpoe Pïereste, jïh dïhte motovre-sygkelem vuaja. “Sööfe dan væjkele vuejedh”, Pïere ussjede. “Dïhte maahta mannem lïerehtidh gåabph jïh guktie edtjem vuejedh, juktie im sïjhth gahtjedh jïh im sïjhth dabranidh”. Nov gujht joekoen vihkeles åvtese vuartasjidh. Sööfe iktesth åvtese vuartesje guktie vuepteste gåabph bööremes vuejedh. Ij Sööfe dabrenh mearan bovtsh geadtan vuejehteminie.
Vaestedh!
Maam Pïere tuhtjie bööremes?
Gie Sööfe?
Gie båarasommes, Sööfe vuj Pïere?
Mannasinie Pïere motovre-sygkelem geasan daarpesje?