Article
Voessem tsagkedh
Gosse edtjh gåabph joem mïnnedh dellie tjoerh voessem tsagkedh. Maam daarpesjh meatan vaeltedh?
Voessem guedtieminie. Image: Jarle Sten Olsen / CC BY-SA 4.0
Daelie lïerh
Ussjedidh jïh soptsestidh
maam daarpesjh meatan vaeltedh
Voessem tsagkedh
post-posisjovnh; sïjse, sisnie, sistie
Lohkh!
Mah dov voessen sisnie?
– Datne riejries vuelkedh?
– Nov leam, voessem joe tsagkeme. Naa lyövlehke sjïdti.
– Mah dov voessen sisnie?
– Mov leah prïhtjh-voesse, prïhtjh-giebnie, guksie jïh dïjnehkh.
– Dov beapmoeh aaj? Jaavoe, mov leah gejhkie-bearkoe, laejpie, voeje, vuasta jïh gaamhpa.
– Dov aaj nejpie? Jaa, nejpiem åtnam beelhtesne gævnjan.
– Dov nuekies vaarjoeh? Mov ålloe-tråajja, ålloe-måvhka, guapah jïh ebrie-vaarjoeh.
– Datne såarah aaj måjhtajamme? Nov hævvi, mov voessesne iktegisth såarah.
– Mujhtieh tjohpem aaj meatan vaeltedh.
– Dam manne åajaldahteme. Hijven datne mojhtestahtah.
Jis datne sïjhth, maahtah vielie barkedh daejnie teemine.
Files
- Voessem tsagkedh(PDF)