Skip to content
Literary Text

Biejjie-baernien såangoe

Saemien hearra Anders Fjellner tjeeli maam saemijste govli. Dïhte teekstem «Biejjie-baernien såangoe Jeahnaj eatnamisnie» tjeeli maam mijjieh saemien sjugniedimmie-eposine gåhtjobe. Daan eposen mietie saemieh leah Biejjie-baernien jïh Jeahnan nïejten maanah «Biejjien maanah».
Almetje naestie-elmien nuelesne tjåådtje. Guvvie.
Image: Greg Rakozy / Restricted right of use

Biejjie-baernien såangoe Jeahtnaj eatnamisnie

Nimhtie bïegkelamme, dovletje lin soptsestamme. Noerhte-naestien dubpielisnie, biejjie jïh aske jillielistie, sån eatneme gulleste jïh sïlpeste gååvnese. Desnie vaerieh mearosne klitnjiedieh. Dahkoe Biejjie-baernie sæjhta mudtedh. Ektine bööremes gaagkijigujmie abpe jaepiem mïnni.

Dovne biejjiem jïh askem vaesieh, gossege jeahnaj eatnemem jaksin. Desnie noere nïejte tjahkan, gaedtie-bealesne jïjtjemse bïssedeminie.

Nïejte minngemes Biejjie-baarnan vïjlele jïh gihtjie: – Gustie datne båatah, gie datne?

Biejjie-baernie: – Manne leam biejjien baernie.

Biejjie-baernie dellie jeahnan nïejtese såångedi jïh jeahnaj eatnamisnie vuekien mietie, faalan jïevehtahkesne pruvrigan.

Idtji gujht jeahna dam hïejem lyjhkh. Jïh gosse elties daktere jïh Biejjie-baernie vïnhtsine bååstide saemiej eatnamasse mïnnijægan, dellie jeahna elkide stilli mïnngesne mïnnedh jïh Biejjie-baerniem buvvedh. Idtjin hov vïnhtsem jaksh.

Njallh-baernieh, Gallabaernieh, Jaahken-klaahka, Orionen beelhte. Guvvie.
Image: Daniel Schwen / CC BY-SA 4.0

Minngemes Biejjie-baernie jïh jeahnan daktere bååstide biejjien eatnamasse böötin. Jïh dellie dej almetji vuekiej mietie vihth låahran jïh vuenjelen jïevehtahkesne pruvrijægan. Dellie aaj jeahnan daktere saemine sjïdti, maanadovvi jïh baerniejgujmie baersieldi. Dah baernieh lin daah vaajes-byögkeles Njallh-baernieh, saemie-almetji maadtoe.

Dah baernieh lin dan gïemhpes olles goh jeatjah almetjh maehtieh juvlelgidh. Dah naestine elmesne sjïdtin. Daelie dejtie vuejnebe goh Njallh jallh Jaahken-klaahka. Abpe daate vuelie soptseste guktie saemieh jïh biejjie ektiedin. Biejjie lij eatnemen vihkielommes faamoe. Dïhte saemide reaktam vedti Saemie-eatnamisnie jieledh.

Njallh-baernieh = Gallabaernieh = Jaahken-klaahka = Orionen beelhte