Verbi bïjre
Verbh
Verbe soptseste mij heannede jallh mij dorjesåvva, maam gie jallh mij dorje, mij sjædta jallh ajve heannede, v.g.:
- Maanah stååkedieh.
- Bïenje guarjesje.
- Lasth vyskedieh.
Tjuatsa.
Finihte jïh infinihte verbh
Mijjieh finihte jïh infinihte verbe-hammoej gaskem joekedehtebe. Dah finihte verbe-hammoeh leah gosse mijjieh dejtie verbide sojjehtibie. Dah infinihte verbe-hammoeh leah gosse ibie dejtie sojjehth.
Finihte verbi sojjehtimmie-hammoeh:
- Moduse: Indikatijve jïh imperatijve
- Tïjje: Presense jïh preteritume
- Persovne: 1., 2. jïh 3. persovne
- Taale: Akten-taale, göökten-taale jïh gellien-taale
Verbh mah eah leah finihte verbh, leah infinihte. Verbi infinihte hammoeh leah dah verbe-hammoeh mejtie ibie sojjehth.
Infinihte verbe-hammoeh:
- Infinitijve
- Progressijve (gerundiume)
- Perfektume partisihpe
- Nyöjhkeme-hammoe
Verbe-genitijve (vuekie-hammoe)
Transitijve jïh intransitijve verbh
Mijjieh transitijve jïh intransitijve verbi gaskem joekedehtebe.
Transitijve verbe objektem vaalta:
Manne oksem rïhpestem.
Intransitijve verbe ij objektem vaeltieh:
Okse rïhpese.
Aktijve jïh passijve verbh
Mijjieh aktijve jïh passijve verbi gaskem joekedehtebe.
Aktijve verbe gosse raajesen subjekte maam dorje:
Dïhte nimhtie jeahta.
Passijve verbe gosse ij leah vihties subjekte:
Nimhtie jeahtasovvi.