Barkh verbigujmie
Goltelh jïh lohkh soptsesem
Luvjie jïh riepie
Text version
Luvjie jïh riepie
Akte kaarre lij ikth jïengesne håagkoeminie. Goh lij dle gællesjeminie goevleminie dan raajkan dellie lij riepie båateme jïh bïkseme dejtie guelide mejtie lij dle håågkeme.
Ånnetji dle riepie luvjiem dïervesje. Dïhte varke sæjhta govledh gustie dejtie guelide jis dïhte. «Ae, håågkeme leam,» riepie jeahta. Jïh dle bïhkede luvjiem guktie edtja dåemiedidh jis guelieh sæjhta: «Vaedtsieh don tjonnese, desnie raejkiem gaavnh, dellie tsaakah jïjtjedh siejpiem dan raajkan», riepie jeahta. «Jïh gosse dle damth svijregåata, dellie leah gujht dle guelieh dabreneminie. Struvkesth dellie tjarke dam dov siejpiem bæjjese, gosse dle vïenhth dïhte siejpie dïeveme guelijste.» Luvjie annje dej beelij utni guhkies siejpiem.
Jaa nåå, luvjie ojhte numhtie darjoeji guktie dïhte riepie bïhkedi. Tjahkesje jïh damta guktie dïhte siejpie svijregåata, tjahkesje dan guhkiem guktie ij vielie nahkesjh gænnah, jïh dle ojhte struvkeste jïh böörhkeste dam altese siejpiem. Dle goh fehkehte: «Ae, riepie lea nagke satnem barre nollelamme. Vuertieh barre, biejjie golh båata, jis sjïehtelasta edtjem maeksedh bååstede,» luvjie jïjtsasse jeahta.
Darjoeh laavenjasside
1. laavenjasse
2. laavenjasse
Mah verbe-hammoeh daah?
Buerkesth guktie soptsestæjja/ tjaelije daejtie verbide nuhtjeme soptsesen aalkoevisnie?
lij håagkoeminie
lij gællesjeminie goevleminie
lij håågkeme
3. laavenjasse
4. laavenjasse
Mah verbe-hammoeh daah?
Buerkesth guktie soptsestæjja/ tjaelije daejtie verbide nuhtjeme daennie soptsesen mubpene boelhkesne?
dïervesje
sæjhta govledh
håågkeme leam
5. laavenjasse
6. laavenjasse
Mah verbe-hammoeh daah?
Buerkesth guktie soptsestæjja/ tjaelije daejtie verbide nuhtjeme daennie soptsesen gåalmadinie boelhkesne?
vaedtsieh
tsaakah
utni
7. laavenjasse
8. laavenjasse
Guktie soptsestæjja/tjaelije verbide nuhtjeme daennie soptsesisnie?
Guktie soptsese sjædta gosse naemhtie dorje?
Man bïjre dellie vihkele ussjedidh gosse edtjh maam akt soptsestidh jallh soptsesem tjaeledh?
9. laavenjasse
Tjaelieh jïjtjedh åenehks soptsesem daej verbe-hammoejgujmie:
ij
båata
vaedtsieminie
vaedtsien
båetieh
båateme
leah
vöölki
vuelkedh
lij