Oppgåver om interessekonfliktar

Opne bilete i eit nytt vindauge

CC BY-NC

Bilete: Roy Mangersnes

1. Avgjer om situasjonane under er døme på interessekonfliktar, og forklar kvifor.

   • byggje eit hus på ein leikeplass som ikkje lenger er i bruk

   • hogge skog for å produsere biodrivstoff

   • utvinne olje i Lofoten

   • lage eit kart over eit område

   • køyre opp skispor på bilvegen inn til hytta

   • bruke solceller for å produsere straum

   • kjøpe hagemøbel laga av trevirke frå regnskog

   • leggje ein veg gjennom eit område der ein sjeldan sommarfugl har leveområdet sitt

2. Er det nokon av døma som har partar som ikkje har ei eiga stemme? Korleis får ein fram saka til dei som ikkje har ei stemme?

3. Det finst ei rekkje organisasjonar som kan fremje saka til grupper som ikkje kan delta i samfunnsdebatten sjølv.
   Finn døme på organisasjonar som taler saka for desse gruppene:

• barn

• dyr og plantar

• komande generasjonar

Finn døme på interessekonfliktar som er aktuelle i nyheitsbiletet.

• Kvifor er dette interessekonfliktar?

• Kva går konflikten ut på?

• Kven er partane i saka?

Sjå filmen om definisjonar.

1. Kva kjenneteiknar ein god definisjon?

2. Bruk dette til å lage ein definisjon av ordet interessekonflikt.