Vegetar – "grøn dag"

Opne bilete i eit nytt vindauge

CC BY-NC

Bilete: Maskot, NTB

Vegankost

består berre av vegetabilske matvarer.

Lakto-vegetarisk kost

består av vegetabilske matvarer og kan i tillegg omfatte mjølk og meieriprodukt.

Lakto-ovo-vegetarisk kost

består av vegetabilske matvarer og kan i tillegg omfatte mjølk, meieriprodukt og egg.

Opne bilete i eit nytt vindauge

CC BY-NC-SA

Bilete: Trygve Indrelid

1. Vel éin eller fleire av rettane på lista over vegetarrettar nedanfor.
2. Finn oppskrift og framgangsmåte på retten eller rettane du skal lage. Tenk næringsverdi når du vel oppskrift! Prøv å nytte ei eller anna belgfrukt i hovudretten (erter, bønner, linser). Nøtter inneheld omega-3 og kan nyttast viss det passar i retten.
3. Skriv opp bestillingsliste på dei varene du skal nytte i retten.
4. Hugs å gi opp mengde!
5. Skriv ut oppskrifter – éi til deg sjølv og éi til læraren.
6. Lag arbeidsplan viss du skal lage fleire rettar. I kjøkkenøkta utfører du arbeidet du har planlagt.

Du skal presentere retten din før måltidet og bør vite dette på førehand:

• Kva er namnet på retten?
• Kva hovudråvarer består retten av?
• Kva næringsverdi har retten?
• Er det nokon av råvarene som er ekstra næringsrike?
• Kva for ein av dei tre vegetartypane er retten spesielt eigna for? Grunngi svaret ditt.
• Viss du har lært noko, kan du gjerne dele det med dei andre.

Opne bilete i eit nytt vindauge

CC BY-SA

Bilete: Unni Kulhuset Granheim

1. Planlegg oppdekking av bord og buffé til eit "grønt måltid". Ver kreativ, og bruk element frå naturen eller noko etande til oppdekking og pynt. Rettane skal serverast på ein buffé.

2. Finn oppskrift på ein sunn velkomstdrink/aperitiff.

3. Lag ein arbeidsplan.

4. Lag bestillingsliste.
5. På praksisdagen lagar du velkomstdrink/aperitiff og utfører arbeidet du har planlagt!