Følg generelle menyreglar, og ta omsyn til at menyen skal serverast i institusjon. Det er anbefalt å følgje råda frå Helsedirektoratet, som mellom anna omfattar kostråda.
Teoretisk del
Oppgåve 1
Sett opp ein vekemeny for nøkkelrådskost som skal passe til ein institusjon.
Du vel sjølv kva type institusjon du lagar menyen for.
Menyen skal bestå av:
frukost
lunsj
middag
kvelds
Lag ein tabell der du set inn dei ulike måltida.
Oppgåve 2
Vel ein av dagane, og næringsberekn han i oppgåvene nedanfor:
Finn ut kor mykje energi (kcal/kJ), protein, feitt og karbohydrat denne dagsmenyen gir.
Rekn ut kor stor prosentdel høvesvis protein, feitt og karbohydrat utgjer av den totale energimengda denne dagen. Her kan du bruke kosthaldsplanleggjaren eller matvaretabellen og rekne ut med kalkulator. Samanlikn tala i menyen din med anbefalt energiprosent av protein, feitt og karbohydrat.
Rekn ut energimengda per måltid, og berekn kor mange energiprosent dette svarar til. Samanlikn tala med anbefalt energimengd per måltid.
Energifordelinga i nøkkelrådskost:
Feitt: 25–35 %
Protein: 10–20 %
Karbohydrat: 50–60 %
(Tilsett sukker må ikkje vere meir enn 10 %.)
Tabell med anbefalt energifordeling for dei ulike måltida i løpet av ein dag:
Måltid | Dagsbehov 2000 kcal | Dagsbehov 2400 kcal | Energifordeling i prosent per måltid |
|---|---|---|---|
Frukost | 400 (20 %) | 480 (20 %) | 20–30 % |
Lunsj | 500 (25 %) | 600 (25 %) | 20–30 % |
Middag | 600 (30 %) | 720 (30 %) | 20–30 % |
Kveldsmat | 350 (15 %) | 360 (15 %) | 10–20 % |
Mellommåltid | 0–200 (10 %) | 240 (10 %) | 0–20 % |
Praktisk del
Oppgåve 3
- Vel deg ut ein dagsmeny som du skal lage på kjøkkenet. Fokuser på sunt kosthald når du vel oppskrifter og metodar for tillaging.
- Finn oppskrifter, og lag rettane.
- Legg opp ein porsjon. Vurder porsjonsstorleik og utsjånad for måltida.
- Presenter ein porsjon av rettane dine for resten av klassen. Grunngi kvifor du har valt desse oppskriftene og metodane for tillaging.