Kvifor er det slik at ein kan blanda to stoff, og så danna eit heilt nytt stoff? Kjemi er læra om oppbygnaden, eigenskapane og reaksjonane til stoffa. Dersom du lærer deg å forstå det periodiske grunnstoffsystemet, er du godt på veg til å forstå mykje av kjemifaget.

Mange viktige oppgåver i livet ditt krev at du lærer deg nye språk og nye reglar. Når du skal ta lappen, er det nettopp slik. Du må lære deg mange nye ord og ein heil drøss med symbol (skilt). I tillegg må du lære deg ei rekkje reglar. I kjemien er det på same måten.