Som helsefagarbeidar skal du bidra til å vareta brukarar sine behov for helsehjelp gjennom heile livsløpet. Heilskapleg omsorg og pleie handlar om å fremje helse, meistring og livskvalitet og å hjelpe menneske til å få dekt dei heilskaplege behova sine.

Funksjonsnivå handlar om korleis ein person fungerer ut frå utviklingsnivået sitt. Funksjonsnedsetjingar kan vere medfødde eller oppstå seinare i livet. Menneske med nedsett funksjonsevne på eitt eller fleire område kan meistre andre arenaer i livet vel så bra som alle andre.