Rett til medverknad

Opne bilete i eit nytt vindauge

CC BY-SA

Bilete: Tom Knudsen

1. Gå inn på Helsedirektoratets rundskriv med kommentarar til pasient- og brukarrettslova og barnehagelova kapittel 2 på Lovdata og finn ut kva lovene seier om rett til medverknad. Lag eit tankekart slik at du får oversikt over hovudpunkta.

2. For at brukarar av helse- og oppveksttenester skal kunne medverke, må du som fagarbeidar legge til rette for reell moglegheit for medverknad. Noter stikkord og reflekter over kva det inneber i arbeid med

   1. barn og unge

   2. brukarar med andre morsmål enn norsk

   3. menneske med nedsett kognitiv funksjon

   4. personar med nedsett fysisk funksjonsevne

Vel deg eit av yrka innan helse- og oppvekstfag.

1. Beskriv ein eller fleire situasjonar i løpet av ein vanleg arbeidsdag der det er viktig å vareta brukarmedverknad.

2. Det å kunne delta aktivt i utforminga av eige teneste- eller aktivitetstilbod er viktig for opplevinga av meistring. Kva for nokre konkrete tiltak vil du gjennomføre for å vareta retten brukarane har til medverknad i situasjonane du har trekt fram i oppgåve 1?

3. I nokre tilfelle kan brukarmedverknad komme i konflikt med fagleg forsvarlegheit fordi brukaren ikkje ønsker å følge tilrådingane dine. I kva situasjonar trur du dette kan oppstå i yrket som du har valt?

1. Diskuter situasjonane og tiltaka de kom fram til i spørsmåla om brukarmedverknad i praksis.

2. Reflekter saman i gruppa og i klassen over dei følgande punkta:

   1. Korleis brukarmedverknad kan bidra til meistring, utvikling og god helse.

   2. Korleis brukarmedverknad kan auke motivasjonen til å gjennomføre aktivitetar som betrar både helsa til den enkelte og folkehelsa.