Unngå frostskadar
Dersom grunnvatnet ligg så høgt at telen når ned om vinteren, vil vatnet fryse til is og føre til at bakken over rører på seg. Vatn som frys, utvidar seg med ca. 10 prosent.
Senke nivå på grunnvatn
For å sikre at eit bygg står stabilt, er det derfor alltid naudsynt å senke nivået på grunnvatnet slik at telen ikkje når ned. Men sidan vatn alltid kan kome ned frå overflata, må vi òg sørgje for at telen ikkje når ned til fundamentet eller bankettane under bygget.
Isolere bakken
Kor djupt telen går ned, vil variere med klima og varmeleiingsevne i bakken. Dersom vi isolerer bakken, vil vi kunne hindre at telen går ned i bakken. Kor djupt vi må fundamentere eit bygg for å hindre tele, vil derfor variere med massane rundt og klimaet der vi byggjer. Fundamenterer vi grunnare enn vanleg teledjupn, må vi isolere bakken rundt bygget.