Korleis utforske skogsdrifta
Vel fullskjerm øvst til høgre og flytt deg mellom dei ulike scenene ved å klikke på pilane. Sjå deg rundt og klikk på pluss-ikona, tekstane og filmane for å få meir informasjon. For å få informasjon om staden der du står, klikkar du på i-ikonet nede til venstre. For å komme tilbake til opningsscena klikkar på huset nede til venstre.
Maskinell skogsdrift står for det meste av avverknaden i Noreg i dag. Hogstmaskina feller og kvistar treet og kappar tømmeret. Årleg blir det hogge mellom 9 og 11 millionar kubikk tømmer i Noreg. Hogstmaskiner tek seg av hogsten av omtrent 95 prosent av dette volumet.
Tømmeret blir køyrt til skogsbilveg med lassberar. På velteplassen ved vegen blir tømmeret lagt opp i veltar (eller lunner). Dei ulike sortimenta blir lagde i kvar sine lunner. Tømmeret skal ligge slik at tømmerbilen kan stå på vegen og lesse opp med kran.
Under arbeidet skal det takast omsyn til miljøet, og skogbruket følger eigne miljøstandardar for korleis arbeidet skal utførast.
Bileta og filmane i denne ressursen er frå hogst og køyring utført i undervisningssituasjon ved Solør videregående skole Sønsterud. Takk til elevar og lærarar som har bidrege.