Mah ektie-bïejeme teeksth gååvnesieh?
Ektie-bïejeme teeksth leah vuesiehtimmien gaavhtan:
- fotografije
- guvvie
- laavlome
- joejke/vuelie
- musihke
- soptsestimmie
- kråahpe-gïele
- reportasje
- reklaame
- filme
- draama
- guvvie-raajroe
Aktene ektie-bïejeme teekstesne jienebh joekehts soptsestimmie-vuekieh. Musihke-video vuesiehtimmien gaavhtan dovne musihkem, baakoeh, guvvieh jïh daanhtsoem utnieh. Doh ovmessie soptsestimmie-vuekieh aktem elliesvoetem sjugniedieh.
Akte vihkeles fåantoe man åvteste mijjieh ektie-bïejeme teeksth darjobe, lea doh ovmessie soptsestimmie-vuekieh ovmessie funksjovnh utnieh. Akte fotografije maahta vuesiehtimmien gaavhtan vuesiehtidh guktie akte almetje vååjnoe, mearan baakoeh maehtieh soptsestidh almetjen nommem, man båeries lea jïh man åvteste guvvie destie.
Ovmessie soptsestimmie-vuekieh sinsitniem ållesth darjoeh. Gosse jienebh soptsestimmie-vuekieh ektiedibie, maehtebe teeksth sjugniedidh mah doh ovmessie vuekieh bööremeslaakan nuhtieh. Fotografijh jïh musihke daamtaj åtnasuvvieh juktie mijjen domtesh baajnehtidh, mearan tjaeleme-gïele maaje jeatjah funksjovnh åtna guvviejgujmie jïh tjoejine ektine.
Daate guvvie domtesidie tjarke baajnehte. Jïjnjh almetjh dealasieh gosse dagkerh guvvieh vuejnieh. Dïhte tjaaleldh teekste edtja mijjem viehkiehtidh domtesidie dahkose jeatjahtehtedh. Baakoeh bievnieh maam mijjieh maehtebe darjodh jis sïjhtebe almetjh viehkiehtidh mah njåvtasuvvieh.
Relatert innhold
Daennie sæjrosne laavenjassh faage-sæjrojde teemese Ektie-bïejeme tjaalegh.