Hopp til innhold
Fagartikkel

Maam jïh mejnie gaskesadtebe

Vihkielommes gaskesadteme-tsiehkesne leah seedtije, dåastoje, dïjre jïh medijume. Gosse datne jeatjabidie almetjidie maam joem beavnah jallh buaktah, dellie datne seedtije. Gosse bïevnesh åadtjoeh dellie datne dåastoje. Dam maam datne saarnoeh, bïevnesi sisvege, dïjrine gåhtjobe.
Baakoeh mah måaladamme. Guvvie.
Bilde: Aajege / CC BY-NC-SA 4.0

Medijumh

Medijumen tjïrrh buektiehtibie bïevnesh seedtijistie dåastoejasse seedtedh. Medijume lea persovneles goh prievie, soptsestalleme jïh SMS:e. Medijume lea aaj byjjes gaskesadteme goh TV:e, radijove jïh plaerieh. Sosijaale medijumh maehtieh dovne persovneles jïh byjjes årrodh.

Almetjidie daaletje seabradahkesne vihkeles maehtedh hijvenlaakan gaskesadtedh. Njaalmeldh jïh tjaaleldh gaskesadtemen tjïrrh maahtah jïjtjedh åssjaldahki bïjre soptsestidh, dov mïelh jïh vuarjasjimmieh mubpide almetjidie buektedh. Almetjh maehtieh aaj voejhkelidh datnem Baajnehtidh. Jis ih daam vueptesth dellie aelhkebe datnem baajnehtidh. Datne maahtah ovmessie såarhth tjaalegh darjodh, gïetine tjaeledh jallh digitaale vuekine. Aaj maahtah gïelem jïh hammoem sjïehtedidh ovmessie åssjelidie, dåastoejidie, tsiehkide jïh medijumidie.

Guvvie mij gaskesadtemem göökte almetji gaskemsh vuesehte. Seedtije maam akt jeahta jïh dïjre medijumese jåhta. Medijume sisvegem sjiehtede jïh vijriebasse dåastoejasse seedtie. Dïjre satelihten jïh såebpien tjïrrh jåhta, mij njoele vuesehte. Guvvien nomme “Gaskesadteme-malle”.
Bilde: Einar Faanes / CC BY-SA 4.0

Vihkeles mujhtedh dåastoje maahta dïjrem guarkedh jïjtse mïeline. Ij daarpesjh dïjrem guarkedh seammalaakan guktie seedtije veanhta dåastoje edtja dam guarkedh.