Oppgave
Laavenjassh: Gïele-njoelkedassh
Daennie sæjrosne laavenjassh saemien gïele-reaktaj bïjre saemie-laaken jïh saemie-laaken gïele-njoelkedassi mietie. Lissine laavenjassh jeatjah nasjonaale laaki jïh gaske-nasjonaale konvensjovni bïjre mah leah nænnoestamme.
Bilde: Gorm Kallestad / CC BY-NC-SA 4.0
Darjoeh laavenjasside.
Ohtsedh vielie bïevnesh gaske-viermesne.
- Mah naajonaale laakh saemien gïelem, kultuvrem jïh siebriedahkem vaarjelieh?
- Mah gaske-nasjonaale konvensjovnh saemien gïelem, kultuvrem jïh siebriedahkem vaarjelieh?
- Mij laakide nænnoste saemien gïelen reereme-dajven bïjre?
- Mij tjïeltide mah saemien gïelen reereme-dajvesne?
- Mij fylhkide leah saemien gïelen reereme-dajvesne?
- Mah tjïelth åarjel-saemien dajvesne mah reereme-dajvesne meatan?
- Ohtsedh jis naaken orre tjïelth mah syökeme saemien reereme-dajvese tjaangedh.
- Mij saemie-laaken vihkielommes nænnoestimmide dov mïelen mietie?
- Mij daan laaken nænnoestimmide vihkielommes saemien gïelen reereme-dajvesne?
- Mij laaken nænnoestimmide vihkielommes daejtie mah eah leah meatan saemien reereme- dajvesne?
- Mah laakh nænnoestieh gïeleööhpehtimmie-reaktaj bïjre?
- Magkerh reaktah gïele-ööhpehtæmman dejtie mah saemien gïelen reereme-dajvesne meatan, jïh dejtie mah eah leah meatan?
- Maam dov mïelen mietie daerpies guktie guektien-gïelenvoetem dåarjoehtidh, v.g. gåetesne, maana-gïertesne, skuvlesne, barkosne, eejehtimmesne, jieliemisnie, byögkeles sijjine, meedijisnie, saemien siebriedahkesne, stoere siebriedahkesne?
- Guktie maehtebe saemien gïelem jïh kultuvrem buerebelaakan beagkoehtidh siebriedahkesne?
- Mij nasjonaale laakide jallh gaske-nasjonaale konvensjovnide vihkielommes, saemien gïelen gorredæmman, dov mïelen mietie? Buerkesth man åvteste.
- Dov mïelen mietie naan orre laakh daerpies ihke buektiehtidh saemien gïelem vaarjelidh jïh evtiedidh båetije biejjide?