Jïjnjh draamah novellijste jallh romaanijste dorjesuvvieh. Dellie manuse-tjaelije tjuara manusem draama-sjangerasse sjïehtedidh.
Guktie teekstem draama-sjangerasse sjïehtedidh
Jïjnjh draamah novellijste jallh romaanijste dorjesuvvieh. Dellie manuse-tjaelije tjuara manusem draama-sjangerasse sjïehtedidh. Dïhte teekstem dialoge-hammose tjaala jïh maahta naan heannadimmieh hiejhtedh jïh lissiehtidh.
Tjaeleme-raerieh:
- Mij edtja heannadidh? Tjaelijie almetjidie, ov-vaantoem jallh dåeriesmoeride åehpiedahta.
- Jis tjaelije dåeriesmoerh stuerede, dellie gieltiegåbpoe sjædta.
- Tsiehkie jarkese, jïh dellie mijjieh dam jeatjhlaakan guarkebe, orre vuekine.
- Gieltege gieltiegåbpoe sjædta, åvtelen sööjmebe jåhta galhkuvasse.
- Tsiehkie tjïelke sjædta, jïh mijjieh åadtjobe daejredh jis hijven jallh nåake gåarede.
Ov-vaantoe
Jis ij naan ov-vaantoe dellie ij naan draama. Mij lea draama? Draaman tjïrrh edtjebe maam akt dååjredh mij gieltegs jïh mijjem eadtjaldahta. Mijjieh eadtjaldovvebe gosse råålla-gaagkoeh haestemh dååjrieh jallh ov-vaantose båetieh.
Ov-vaantoe gellie tsiehkijste båata vuesiehtimmien gaavhtan intrigh, tsælloeh jïh meadtoeh. Råålla-gaagkoe tjuara veeljedh maam edtja darjodh, jïh destie maahta ov-vaantoe sjïdtedh. Gieriesvoete lea gellien aejkien ov-vaantoen sjïeke.
| Saemien | Daaroen |
|---|---|
| tsiehkie | situasjon |
| ov-vaantoe | uenighet, konflikt |
| meadtoe | lovbrudd, overgrep |
CC BY-SASkrevet av Helen Blind Brandsfjell.
Sist faglig oppdatert 21.06.2023