Soptsese Saajve-jaevresne gööleminie

Lohkh soptsesem «Saajve-jaevresne gööleminie» jïh vaestedh gyhtjelasside.

1. Gïeh mah ektesne gööleminie?

2. Gusnie jïh mejnie dah gööligan?

3. Mah guelieh voestes-iereste åadtjoejigan?

4. Magkerem jaevriem dïhte båarasåbpoe daajra?

5. Magkerh guelieh dennie jaevresne?

6. Guktie dåemiedidh juktie guelieh desnie åadtjodh?

7. Guktie voestes aejkien gåaradi goh voejhkeligan gööledh?

8. Guktie mubpien jïh gåalmeden aejkien gåaradi?

9. Magkere jaevrie lij, jïh guktie tjuara dåemiedidh juktie guelieh åadtjodh?

10. Mannasinie naemhtie, datne vïenhth?

Maam maehtebe soptsesistie lïeredh? Buerkesth jïh tjaelieh jïjtjedh baakoejgujmie.

Datne naan sjïere jaevriem daajrah jallh naan sjïere jaevrien bïjre govleme? Soptsesth jallh tjaelieh dan jaevrien bïjre.

Datne naan sjïere vuekiem daajrah jallh naan sjïere vuekien bïjre govleme guktie dåemiedidh juktie guelieh åadtjodh? Soptsesth jallh tjaelieh dan vuekien bïjre.