Analysegoere

Dastegh edtjh dov analysem åehpiedehtedh goh akte tjaaleldh teekste, datne jïjtje gaavnehth mennie öörnegisnie momenth edtjieh årrodh. Ih daarpesjh seamma öörnegem nuhtjedh mij daennie læstosne. Læjhkan iktesth væjsehke aelkedh dej vihkielommes bïevnesigujmie teeksten bïjre. Dellie sagke aelhkebe sjædta lohkijasse datnem dåeriedidh gosse datne dov vïhtesjimmieh veelelaakan åehpiedahtah.

Aelkieh teekstem jïh govlesadteme-tsiehkiem åehpiedehtedh.

Rïektesvoete teeksten bïjre

Nomme, sjangere, tjaelije

Ïebne

Mah gyhtjelassh jallh dåeriesmoerh teekstesne?

Govlesadteme-tsiehkie

Gusnie jïh gåessie teekstem bæjhkoehti, dagke mennie sjïere heannadimmesne/ektiedimmesne?

Tjaelijen maadtoe

Datne byörh maam akt jiehtedh tjaelijen maadtoen bïjre dastegh dïhte akte tjïelke jallh nåake aevhkie tjaelijen ussjedammesvoetese.

Ulmie-dåehkie

Gïese tjaelije tjaala?

Åehpiedehtieh tjaelijen veanhtoem jïh doh vihkielommes argumenth.

Tjaelijen veanhtoe

Mij lea tjaelijen veanhtoe?
Tjaelije aamhtesem dåarjohte jallh aamhtesem vuastele, jallh veanhtoe jeereldihkie?

Doh vihkielommes argumenth

Darjoeh åssjaldahke-kaarhtem dej vihkielommes argumentigujmie teeksteste. Vaajesth dejtie åenehkslaakan jïh jïjtsedh baakoejgujmie. Tjaelijen akte tjïelke åejvie-argumente? Tjaelije argumenth vuastele mah lea altese vuajnoen vööste.

Goerehth aamhtese-argumentide veelebe.

Nænnoesvoete

Rïektesvoeth reaktoe jïh argumenth buajhkoes?

Maerelesvoete

Teeksten naan argumenth mah ajve ånnetji jallh ij leah aamhtesen bïjre?

Veaksehkevoete

Teksten argumenth mejtie aelhkieslaakan maahta vuastalidh dan åvteste sagke veaksahkåbpoe vuestie-argumenth gååvnesieh?

Veeljeme rïektesvoeteste jïh bagkesijstie

Tjaelije gaajhkem meatan vaalteme mah leah vihkeles aamhtesasse? Jallh argumentasjovneaktelaaketje jallh såemies vaanoeh åtna? (Mujhtieh sjangere viehkehte moenedh man vijries jïh jïebne argumentasjovne byöroe jïh maahta årrodh teekstesne.)

Goerehth guktie tjaelije domtesidie appellerede lohkijen luvnie.

Tjaelijen ussjedammesvoete jïh autoriteete

Tjaelijen sjïere daajroeh jallh lea aktene sijjesne mij dïsse autoriteetem vadta aamhtesisnie?Lohkije leajhtadimmiem tjaeliejasse åådtje gosse teekstem låhka?

Appelle dåastojen vuajnojde jïh domtesidie

Tjaelije appellerede såemies vihties vuajnojde jïh domtesidie lohkijen luvnie? Boekte mah? Tjaelije nåakelaakan tjaala dej bïjre mah eah sov vuajnoem juekieh?

Gïeleldh viehrkie-vierhtieh

Mah leah doh vihkielommes gïeleldh vierhkie-vierhtieh tjaelije nuhtjie juktie sov dïjrem veaksahkåbpoe darjodh?

Gosse datne veelelaakan teekstine barkeme dle aelhkebe væhtide vaestiedidh.

Jïebnevoete ræhpas jïh tjeakoes argumentasjovnen gaskem

Mïsse tjaelije stööremes leavloem beaja, ræhpas jallh tjeakoes argumentasjovne?

Åehpiedehteme-vuekie

Tjaelije buektehte sov argumenth åehpiedehtedh sjeakoeslaakan? Aelhkie tjaelijen argumentasjovnem dåeriedidh? Tjaelije vuesiehtimmieh vadta, tjïelkeste jïh veelebe buerkeste?

Galhkuve-vuarjasjimmie

Guktie teekste fungerede goh elliesvoete? Teekste buektehte datnem jaehkiehtidh?