Persovnh draamesne
Gellie persovnh maehtieh draamesne meatan årrodh. Dah maehtieh unnebh jallh stuerebh råållah utnedh.
Åejvie-almetjh
Åejvie-almetjh leah dah mah mijjieh dååjrebe vihkielommes draamesne. Muvhth vuasahtallemisnie akte tjïelke åejvie-almetje, jïh jeatjah vuasahtalleminie maehtieh gellie almetjh seamma vihkeles årrodh. Shakespearen vuasahtallemisnie "Romeo jïh Julia", dovne Romeo jïh Julia åejvie-almetjh. Gåabpatjahkh seamma ulmiem utniejægan jïh sïjhtijægan ektine jieledh.
Mubpieh persovnh
Dah mubpieh persovnh draamesne leah karakteerh, mah eah leah vuasahtallemen jarngesne. Dah åejvie-almetjem/åejvie-almetjidie viehkiehtieh dahkoem skaepiedidh.
Gaaltije
Federl, M., Grundvig, T. E. (2018, 25. oktober). Personene i dramaet. NDLA. https://ndla.no/article/16657
Saemien | Daaroen |
---|---|
mubpieh persovnh | bipersoner |
CC BY-NC-SADán lea/leat čállán Marion Federl, Tone Elisabeth Grundvig ja Helen Blind Brandsfjell.
Maŋemusat ođastuvvon 06/21/2023