Analyse-goere njaalmeldh teekstese

Daejtie raeride maahtah nuhtjedh gosse edtjh njaalmeldh teeksth analyseradidh.

1. Mennie sjangerisnie teekste?

2. Mennie gaskesadteme-tsiehkesne?

   • Mennie tsiehkesne teekste? Gåessie jïh gusnie?
   • Mennie ektiedimmesne/konteekstesne teekste?
   • Mij teeksten ulmie?
     

3. Guktie bigkeme:

   • Modush teekstesne nuhtjesovveme? Guktie musihke, tjoejh, guvvieh, klaerieh, kråahpe-gïele, gïele-åtnoe j.n.v.?
   • Guktie viehkie-vierhtieh nuhtjesovveme?
   • Guktie soptsestæjja teekstem bigkeme?
     

4. Viehkie-vierhtieh njaalmeldh teekstesne:

   • Guktie njaalmeldh gïelem sjangerasse sjïehtedamme? (byjjes/ij byjjes gïele)
     
5. Guktie soptsestæjja mimihkem, kråahpe-gïelem, smaare-gïelem jïh gïelen vueliem nuhtjie gosse soptseste? Nuhtjh vuesiehtimmieh njaalmeldh teeksteste jïh buerkesth.
   
6. Datne vïenhth soptsestæjja soejkesjamme maam edtja jiehtedh, jallh ij? Gaavnh vuesiehtimmieh jïh buerkesth.
   
7. Gie akt soptsestæjjam stöörie? Soptsestæjja smaave-baakoeh nuhtjie jallh ij rikti daejrieh maam edtja jiehtedh? Ellies raajesh nuhtjie? Gyhtjelassh? Gaavnh vuesiehtimmieh jïh buerkesth.
   
8. Maahtah vuesiehtimmieh gaavnedh mah soptsestæjjan sosijaale tsiehkiej bïjre soptsestieh? Guktie tjoele, aaltere, sosijaale jïh ekonomije duekie, barkoe j.n.v?