Manne biebmodoallotrenddat geasuhit min?

Jurdil

Árvvoštala sosiála mediaid čuoččuhusaid vuolábealde dan máhtu vuođul mii dus lea biebmoávdnasiid ja biebmodoalu birra, ja vuođuš iežat árvvoštallama.

Bárran: Digaštala čuoččuhusaid nuppiin fárrolaga

Juogat: Digaštallet klássas

• Mii lea biebmodoallotreanda?
• Gos bohtet treanddat?
• Manne ođđa biebmodoallotreanddat nu geasuhit min?
• Rievttes biebmodoallu lea heakkadehálaš vai du gorut doaibmá optimála, mo de sáhttá biebmodoallu leat treanda?

Ráhkadehpet muhtin kriteriijaid maid lehpet ovttaoaivilis ahte definerejit rievttes biebmodoalu. Ráhkadehpet áinnas árvosátnecehkiid.

1. Barget ovttas guovttis ja guovttis, ja válljebehtet ovtta diehta dahje biebmodoallotrendda vuolábealde masa oahpasmuvvabehtet.

   • karbokeahtes biebmodoallu (diehtta)
   • 5:2-biebmodoallu (diehtta)
   • raw food
   • vegetariána dahje vegána biebmodoallu
   • superbiebmu
   • paleobiebmodoallu/geađgeáigeborramuš
   • detoxing/juicing

2. Kafeadebáhtta

   Juohke kafeabeavddis digaštallabehtet ovtta biebmodoallotreandda rievttes biebmodoallokriteriijaid vuođul maid klássa definerii.

Cavgileamit organiseremii

Organisere áinnas klássalanja dego kafean gos ohppiid beavddit leat biddjon oktii, ráhkadan dihte smávit digaštallanjoavkkuid:

• Juoge klássa dainna lágiin ahte juohke kafeabeavddis leat oahppit geat leat čiekŋudan máŋgga iešguđetlágan biebmodoallotreanddaide.
• Juohke kafeabeavddis digaštallet ovtta biebmodoalotreandda.
• Juohke beavddis lea jođiheaddjin oahppi gii lea čiekŋudan dan biebmodoallotrendii man dan beavddis digaštallet.
• Jođiheaddji muitala álggos oanehaččat treandda birrat, sus lea ovddasvástádus stivret digaštallama ja čállá dađistaga maid iešguđet joavkkut gávnnahit.
• Joavkkut molsot bevddiid, dan botta go jođiheaddji bissu seamma beavddis.

1. Manne lea dehálaš leat kritihkalaš dasa maid lohká?
2. Mo sáhtát don leat mielde juohkit dieđuid rievttes biebmodoalu birra?

3. Doaivvot go iežat geahččalit muhtin ođđa biebmodoallotreanddaid? Vuođuš vástádusa.